<h3 style="text-align: justify;"><span style="font-size: 18pt;">پشتى گههشتنا كاروانێ ئێكێ یێ پتاتێن ههرێما كوردستانێ بۆ بازارێن كهنداڤى كو بوویه جهێ سهرنجا خوارنگههێن جیهانى ب تایبهتى ماكدۆنالدز، زنجیرهیا خوارنگههێن كهى ئێف سى و هاردێز ژى ل لاوهتێن كهنداڤى داخوازا پتاتێن كوردستانێ كر.</span></h3> <h3 style="text-align: justify;"><span style="font-size: 18pt;">ل دووڤ زانیارییان پشتى خوارنگههێن ماكدۆنالدزێ نموونهیا بهرههمێ پتاتێن جۆتیارێن كوردستانێ دیتین، داخوازكر حهفتییانه 500 بۆ هزار تهنێن پتاتێن كورستانێ بۆ وان بهێنه هنارتن، بۆ ڤێ مهرهمێ ژى رێككهڤتنهك ئیمزاكرییه.</span></h3> <h3 style="text-align: justify;"><span style="font-size: 18pt;">ئێك ژ خۆدان كۆمپانییێن وهبهرهێنانێ دبوارێ بهرههمئینان و هناردهكرنا پتاتاندا دیاركر، زنجیرهیا خوارنگههێن كهى ئێف سى و هاردێز ل وهلاتێن كهنداڤى داخوازا پتاتێن كوردستانێ كرییه، نوكه د دانوستاندانه بۆ هندێ پتاتێن كوردستانێ بۆ وان خوارنگههێن جیهانى دابین بكهن.</span></h3> <h3 style="text-align: justify;"><span style="font-size: 18pt;">ئاشكرا ژى كر، نوكه ل دۆر چهوانییا دابینكرنا پتاتان بۆ وان خوارنگههێن جیهانى د دانوستاندناندانه، دێ بزاڤێ كهن ل دهمهكێ نێزیك بگههنه رێككهڤتنێ و پتاتێن كوردستانێ بگههیننه خوارنگههێن ههموو براندێن جیهانى.</span></h3>
