<h3 style="text-align: justify;"><span style="font-size: 18pt;">سهرۆكێ دهستهیا وهبهرهێنانێ ئاماژه ب هندێ دا، پرۆسهیا وهرگرتنا گهنمێ جۆتیاران ل سنۆرێن پارێزگههان و ئیدارهیێن سهربهخۆ دێ ههتا رۆژا 2ى ههیڤا بهێت یا بهردهوام بیت و گوت : وان سوز ژ وهبهرهێنهران وهرگرتییه، ئێكسهر پشتى جۆتیار گهنمێ خوه رادهست دكهن، شایستهیێن خوه یێن دارایى وهربگرن.</span></h3> <h3 style="text-align: justify;"><span style="font-size: 18pt;">پشتى مهسرور بارزانى سهرۆكێ حكومهتا ههرێما كوردستانێ ئاریشهیا جۆتیارێن پارێزگهها دهۆكێ چارهسهركرى، ئهڤرۆ 10ى تهباخا 2023ێ، پرۆسهیا وهرگرتنا گهنمێ جۆتیارێن سنۆرێ پارێزگهها دهۆكێ ل كارگههـ و سایلۆیێن تیانى ل سهر رێكا دهۆك – زاخۆ دهستپێكر.</span></h3> <h3 style="text-align: justify;"><span style="font-size: 18pt;">ههڤدهم محهمهد شوكرى سهرۆكێ دهستهیا وهبهرهێنانێ ل ههرێما كوردستانێ د پرێسكۆنفرانسهكیدا راگههاند، دگهل جۆتیار و وهبهرهێنهران رێككهڤتن كو پرۆسهیا وهرگرتنا گهنمێ جۆتیارێن ههرێما كوردستانێ یێ نههاتییه وهرگرتن، ههتا دووى ئهیلولا بهێت یا بهردهوام بیت و دبێژیت : وان وهكو دهستهیا وهبهرهێنانێ سوز ژ وهبهرهێنهران وهرگرتییه كو پشتى جۆتیار گهنمێ خوه رادهست دكهن، ئێكسهر شایستهیێن خوه یێن دارایى وهربگرن.</span></h3> <h3 style="text-align: justify;"><span style="font-size: 18pt;">محهمهد شوكرى ئاماژه ب هندێ دا، دماوێ ڤێ ههیڤێدا كارگههـ و سایلۆیێن كۆمپانییێن كهرتێ تایبهت، نێزیكى 40 بۆ 50 هزار تهنێن گهنمى ژ جۆتیارێن باژێرێن جۆدا یێن ههرێما كردستانێ وهرگرتینه.</span></h3> <h3 style="text-align: justify;"><span style="font-size: 18pt;">سهرۆكێ دهستهیا وهبهرهێنانێ ئاشكراكر، ئهو دگهل وهبهرهێنهران رێككهتینه، بزاڤ بهێنهكرن ئهو گهنمێ جۆتیارێن ههرێما كوردستانێ یێ كو ژلایێ حكومهتا عیراقێڤه نههاتییه وهرگرتن، ب وێ تایبهتمهندییا ل سهر رێككهڤتین وهربگرن، ئێك تهنا گهنمێ ژ جۆرێ پله ئێك دێ ب 600 هزار دیناران بیت، ئێك تهنا گهنمێ ژ جۆرێ پله دوو دێ ب 575 هزار دیناران بیت.</span></h3>
