ب تنێ ل پارێزگەهەکا عێراقێ 48 هزار ناڤێن کو هەیڤانە ئاهێن خوارنێ وەردگرن هاتنە ژێبرن

وەزارەتا بارزگانییا عێراقێ دیار کر، ل پارێزگەها نەجەف ناڤێن 48 هزار کەسان ژ ئاهێن خوارنێ یێن هەیڤانە هاتنە ژێبرن.

ستار جابری، بریكارێ وەزارەتا بازرگانیا عێراقێ گۆت، ل سه‌ر ئاستێ 5 پارێزگەهان” ئه‌و كار بۆ ده‌رخستنا کارتێن ئاهێن خوارنێ یێن ئەلکترۆنی دكه‌ن و ل نەجەف ژی ئەو پرۆسه‌ ته‌مام بوویه‌ و تێدا 48 هزار ناڤێن دوباره‌ هه‌بووینه‌ و‌ پشکەک ژ وان ل ده‌ر‌ڤەیی عێراقێ دژین و هژماره‌کا زۆر ژی گیانێ خۆ ژ ده‌ستدایه‌، بەلێ ئاهێن خوارنێ وەردگرتن.

جابری گۆت ژی، ب ژێبرنا وان 48 هزار ناڤان، دێ ب ملیاران دینار بۆ گەنجینا دەولەتێ زڤرن.