وەزارەتا ڤەگۆهاستن و گەهاندنێ: ب ئەڤان ڕێکان خۆ ژ کارتێکرنێن بلندبوونا پلەیێن گەرمێ  ب پارێزن

وەزارەتا ڤەگۆهاستن و گەهاندنێ یا حکومەتا هەرێما کوردستانێ د ڕاگەهاندنەکێدا داخواز ژ وەلاتیان دکەت، خۆ ژ کارتێکرنێن بلندبوونا پلەیێن گەرمێ  ب پارێزن.

دەقێ ڕاگەهاندنا وەزارەتا ڤەگۆهاستنا هەرێما کوردستانێ:

بۆ خۆ پاراستن ژ کارتێکرنێن بلندبوونا پلەیێن گەرمێ هیڤیە پێگیری ب ئەڤان خالان بهێتە کرن:

–  خۆ پاراستن ژ بەرکەفتنا تیشکا رۆژێ بۆ دەمەکێ درێژ.

– ڤەخوارنا ڕێژەیەکا زۆر یا ئاڤێ ژ بۆ کو لەشێ مرۆڤی هشک نەبیت.

– نەهێلانا زارۆکان دناڤ ترۆمبێلێ دا کو ڕەنگە مەترسی لسەر ژیانا وان دروست ببیت.

– نەهێلانا وان کەلوپەلێن کو زوی ئاگر بەر دیتێ دناڤ ترۆمبێلێ دا وەکی ئامیرێن شەحنێ(مۆبایل، کۆلانیا، بێهن خۆشکەرێن هەوایی…)

– ھشيارکرنا گەشتیاران و دەستنیشانکرنا ئەوان جهێن گونجای بۆ مەلەڤانیکرنێ.

-سەرەدانکرنا نەخۆشخانێ ل دەمێ دەرکەفتنا نیشانێن (رۆژ لێدان – ضربة الشمس –  Sunstroke )

وەزارەتا ڤەگۆهاستن وگەهاندنێ

ڕ.گ.سەقاناسی