ده‌سته‌یا وه‌به‌رهێنانێ: ل پرانییا قه‌زایان دێ ده‌ڤه‌رێن پیشەسازی هێنه‌ دروست کرن

ئاژانسا خانی:

رێڤه‌به‌رێ گشتییێ مۆله‌تدانێ ل دەستەیا وەبەرهێنانێ ل هەرێما کوردستانێ دیار كر: کابینا نه‌هێ یا حکومەتا هەرێما کوردستانێ گه‌له‌ك گرنگی ب کەرتێ پیشەسازییێ دایە و ژ سه‌رجه‌مێ 280 پرۆژێن مۆله‌ت پێ هاتییه‌ دان مه‌ مۆله‌تدایه‌‌ 80 پڕۆژێن پیشەسازی، وه‌سا بریارە ل پرانییا قه‌زایێن هه‌رێما كوردستانێ ده‌ڤه‌رێن پیشەسازی بهێنه‌ دروست كرن، له‌وما گرنگییه‌كا زۆر ب کەرتێ پیشەسازی دهێته‌ دان.

د. هەڤال سه‌دیق، زێده‌تر بۆ ئاژانسا خانی گۆت: ل ده‌ستپێكا کابینا نه‌هێ یا حکومەتا هەرێما کوردستانێ کەرتێ پیشەسازی ئێک بوویە ژ وان كه‌رتان كو حكومه‌تا هه‌رێمێ گه‌له‌ك گرنگی پێدایه‌” چونكه‌ ئه‌و كه‌رته‌ دێ ده‌لیڤێن كاری پییدا كه‌ت و کەره‌ستەیێن خاڤ دێ دناڤا هه‌رێمێ دا هێنه‌ ب كارئینان ساخکرنا بەرهەمێ ناڤخۆیی و کێمکرنا ئینانا به‌رهه‌مێن بیانی و دیسان مه‌ بزاڤ كرینه‌ كو پشت بەستنێ ل سه‌ر بەرهەمێن ناڤخۆیی بكه‌ین، له‌وما مه‌ گه‌له‌ك مۆله‌ت داینه‌ پڕۆژێن پیشەسازین ئه‌ڤ چه‌نده‌ بۆ ئاسایشا خوارنێ بوویه‌، ئه‌ڤه‌ دێ خاله‌كا گرنگ بیت بۆ هەرێما کوردستانێ و ل پرانییا قه‌زایان دێ ده‌ڤه‌رێن پیشەسازی هێنه‌ دروست کرن و دێ كارگه‌هێن مه‌زن ل وان ده‌ڤه‌ران هێنه‌ دروست كرن و ل گه‌له‌ك جهان ل هه‌رێما كوردستانێ وێ پرۆسێ دەست پێکرییە و د كابینا نه‌هێ یا حکومەتا هەرێما کوردستانێ دا ژ سه‌رجه‌مێ 280 پڕۆژان مۆله‌ت پێ هاتییه‌ دان  80 پڕۆژە ژ وان، د بیاڤێ پیشەسازییێ دانه‌ و 2 ملیۆن دۆلار ژی بۆ وان پرۆژان هاتینه‌ خەرج کرن.