كادر و ئهندام و لایهنگر و جهماوهرێ چاڤ نهترسێ پارتییا مه.
پشتى شهرێ جیهانییێ ئێكێ و دهرئهنجامێن وێ كو كوردستان هاته بهلاڤكرن و نهتهوهیێ كورد ژ ههبوونا دهولهتێ هاته بێبههركرن، ههڤدهم بزاڤ هاتنهكرن ب ئاگر و ئاسنى مرۆڤێ كورد رادهستى وێ قهدهر و چارهنڤیسێ تارى بكهن، ژبلى وێ ژى كوردستانا عیراقێ ب تایبهتى ژلایێ سیاسى و ئابووری و جڤاكیڤه یا خراب بوو، دناڤ وێ بێ ئومێدى و بێهیڤییێدا، پارتى دیموكراتى كوردستان 77 سالان بهرى نوكه، وهكو هیڤییهك و قورتالكهرهك هاته دامهزراندن و هاته مهیدانا خهباتێ.
پارتى ل سهر رێبازا بارزانییێ دامهزرێنهر و سهركردهیێ دووربین و شورهشگێر، گرێیا ( خۆب كێمگرتن ) بێ ئومێدى ل ناخێ مرۆڤێ كوردستان چاند و هێز و شیانێن خهلكێ كوردستانێ بۆ بهرهنگاربوونا پلانا شۆڤیستانهیا دهستههلاتدارێن وى دهمى یێن عیراقێ رێكخست، د ههمان دهمدا سهلماند كو بریارا دامهزراندنا پارتى ب هاریكارییا ژمارهیهكا رهوشهنبیر و سیاسهتمهدارێن گهلێ مه، ههم پێدڤییهكا مێژووى و ههم بهرسڤدهرێن ستهما بێبههركرنا كوردان بوو ل مافێن چارهنڤیسى و نهگههشتن ب ئارمانجێن خوه یێن رهوا.
پارتى ههر ل دهستپێكێ و ل بهر رۆشنایا هزر و فهلسهفهیا بارزانییێ نهمر و رێبازا وى، كوردایهتییهكا ئاوێته ب بهایێن مرۆڤێن ئاشتیخواز و دیموكراسییێ، پهیرهوێ بنهمایێن دادپهروهرییێ كر، دووڤدا بۆ بهرنامه و سیستهمهكێ گونجاى هاته دارێژتن و كار بۆ بجهئینانا وێ هاته كرن.
ههر ل دهستپێكێ زێدهبارى درندهییا نهیار و دوژمنێن گهلێ مه، ههموو جۆره كارڤهدان و توندرهوییهكا ئایدیۆلۆژى رهتكرییه، ههڤدهم رێیا خهباتا سیاسى و مهدهنى و جهماوهرى گرتییه، ههتا نهچار نهبووى دهست نهدایه چهكى.
ل سهر ئاستێ كۆمهلگهها كوردهواریژى، پارتى وهكو رێكخراوهكا سیاسییا بهرفرههـ و بزاڤهكا جهماوهرى و مهكۆیێ كۆمكرنا شیانێن خهلكێ كوردستانێ خوه ناساند، دووماهى جار ژى شیا ببیته پرهكا مهزن و كۆمكهرا خهباتا ههموو كوردستانییان ب جۆداهییا چین و تهخێن كۆمهلگههێ و ئینتیمایا هۆز و تیره و دهڤهر و ناسنامهیا نهتهوهیى و ئایینى و ئایینزانان، ل سهر ڤێ رێكێ شیا ههموویان بۆ ئێك ئارمانج كومبكهت كو پارێزگارێن نیشتیمانى و بدهستڤهئینانا مافێ دیاركرنا چارهنڤیسى بن، كو مافهكێ قانوونى و دهستوورى ههر گهل و نهتهوهیهكییه.
پارتى ل رهوانگهیا ئینسانى و بهرچاڤ روونی و دووربینییێ، شیا ب پشتهڤانییا گهلێ ئازادیخوازێ كوردستانێ، قووناغ ب قووناغێ پێشرهوایهتییا بزاڤا رزگاریخوازییێ بكهت ههر ل خهباتا نههێنى ههتا خهباتا چهكدارى و شۆرهشێن ئهیلوول و گولانێ و كاروانێ تێكوشانا پێشمهرگایهتى و سیاسى و دیپلۆماسى و رێكخراوى و جهماوهرییا ههلكێ كوردستانێ.
دوى كاروانیدا، درندهیى و نهزعهیى سركرن و شهرانگیزى و پلانا نهگریسىییا رژێما دیكتایۆرێن شۆڤینى نهكو نهشییا شكهستنێ ب گهلێ مه و پارتییا مه بینیت، بهلكو ئهم شیاین قووناغ ب قووناغێ مافێن گهلێ كوردستانێ بدهستڤهبینین، ههر ل لامهركهزییێ بۆ ئۆتۆنۆمییێ ههتا فیدرالییێ.
ههر ل وێ قووناغێ دهستكهڤتهكێ مهزن بوو، ههروهكو چهسپاندنا ههڤپشكییا كورد و عهرهبان ل عیراقێ ل دووڤ دهستوورێ سالا ( 1959 )ێ، دووڤدا ل خهبات و خۆراگییا خهلكێ كوردستانێ و پێشمهرگهیێ شۆرهشا مهزنا ئهیلوولێ حكومهتا وى دهمى یا عیراقێ نهچاركر مل بۆ دانوستاندنان خار بكهت دگهل سهركردایهتییا شۆرهشێ و رێككهڤتنا ( 11ى ئادارا 1970 )ێ دگهل پاتییا مه ب رابهرایهتییا بارزانییێ نهمر ئیمزا بكهت.
پشتى پهشیمانبوونا حكومهتا عیراقێ ل بجهئینانا رێككهڤتنا 11ى ئادارێ و پلانا نێڤدهولهتى ل سالا ( 1970 )یێ شۆرهشا گولانا پێشكهڤتخواز وهكو درێژهپێدهرێ شۆرهشا مهزنا ئهیلولێ بهردهوام ب خهبات و تێكۆشانێ دا.
ئارمانجا سهرهكى و ستراتیجییهتا سهركردایهتییا پارتییا مه دوێ قووناغێدا یا بهردهوام بوون بهرهڤ ئایندهیهكێ گهش و بهرههمدار، كو خوه ل بهرجهستهكرنا جهناسێ نهتهوهیى و دانپێدان ب مافێن نهتهوهییێن گهلێ كور دیت، ههر ژبهر هندێ چهندین دهستكهڤت دووڤدا هاتن، ژ وان سهرهلدانا ( پێنجى ئادارا سالا 1991 )ێ كو ب بریارا سهركردایهتییا بهرهیێ كوردستانێ ب رابهرییا سهرۆك بارزانى ل ناڤخۆیا كوردستانێ وجهلا تالهبانى ژ دهرڤهى كوردستانێ ل دووڤ بهرنامهیهكى بریار ل سهر هاتبوودان، ب پشكدارییا جهماوهرێ دلسۆز ل باژێری رانیه یێ دهرییێ راپهرین دهستپێكر.
سهرهلدان وهكو پهیامهكا حهقخوازا گهلێ مه هاته پێش، بۆ بنیاتدانانا ئهزموونهكا نوو یا فهرمانرهوایى ههر دوى بواریدا ( سهرۆك بارزانى ) ل ( 22ى ئادارا 1991 )ێ ل باژێرێ كۆیه ل بهردهم جهماوهرهكێ بێشۆماردا د دیدارهكێدا راگههاند، كو پێدڤییه قووناغا شهرعییهتا شۆرهشگێرى بگوهۆرن بۆ شهرعییهتا قانوونێ و پێنگاڤان بهرهڤ دامهزراندنا قانوونێ و شهرعییان پاڤێژن، دووڤدا ل ( 19-5-1992 )ێ جڤاتا نیشتیمانییا كوردستانێ هاته ههلبژارتن و حكومهتا كوردستانێ هاته پێكئینان بۆ ریڤهبرنا كاروبارێن ههرێمێ و ب رێكهكا شهرعى و قانوونى بوویه بهرجهستهكارێ خواست و حهزێن جهماوهرى.
جهماوهرێ عهزیزێ كوردستانێ..
ب درێژاهییا ئهوێ ئهزموونا ههرێما كوردستانێ كو شهرعییهتا خوه یا قانوونى ههیه، ئارمانجێن گهلێ مه و كوردستانێ دوێ ههرێمێدا ل دووڤ كارنامهیا كابینهیێن حكومهتێ دهاتنه بجهئینان، ب رێكا بهرنامه و پلانهكا ب رێكزپێك و سهردهمییانه و دابینكرنا كوژمێن پێدڤى بۆ پرۆژهیێن گرنگ و ستراتیجى بۆ بنیاتدانا ژێرخانهیا ئاڤهدانى و دابینكرنا ژیانا رۆژانهیا وهلاتییان، ههروهسا سهرجهمێ ههموو بوارێن ئاسایش و پیشهسازى و ساخلهمى و چاندن و پهروهرده و گهشتیارى و پرۆژهیێن دى یێن خزمهتگوزارى كو پێشڤهچوونهكا بهرچاڤ ب خۆڤه دیت.
ژ دهستكهڤتێن ههره گرنگێن سیاسییێن سهرهلدانێ بنیاتدانا ئهزموونهكا نوو یا فهرمانرهواییێ بوو، كو بریاردان بوو ل سهر سیستهمێ سیاسییێ فیدرالی و پرۆسهیا بنیاتدانا عیراقهكا نوو و نڤیسینا دهستوورێ عیراقێ.
بزاڤێن پارتییا مه بۆ چهسپاندنا فیدرالییێ ل دهستوورێ نوو یێ عیراقێ بهردهوام بوون، ههر ژ وى روویڤه شاندێ پارتییا مه ب سهرۆكایهتییا ( سهرۆك بارزانى ) ل زنجیرهیا كۆمبوونهكا چارهنڤیسیدا ل بهغدا ب هاریكارییا لایهنێن دییێن كوردستانێ رۆلێ بنیاتدانانا عیراقا نوودا یا كارتێكهربوو و شانازییێ ب چهسپاندنا سیستهمێ فیدرالی ل دهستوورێ نوو یێ عیراقێ بهركهڤت.
پارتییا مه ب سیاسهتهكا حهكیمانه و بێ كێمترین سازش ل سهر مافێن مه یێن رهوا، دگهلهك بابهتێن گرنگدا شیا مل بدهته بهرپرسیارییهتییێ و خوه رادهست نهدهت ههتا دهرییێ ئاسۆ چارهسهرییێ بهرامبهر ههموو قهیراناندا ب راوهستیت و ئاستهنگان بهرهڤ دووماهییێ ببهت.
خۆشبهختانه و ب هیممهتا خهلك و پێشمهرگهیێ قارهمان، كوردستان ب سیاسهتهكا ئارامگرو خۆراگرانه و پشتهڤانیییا حیكمهت و دووربینییا سیاسییا ( سهرۆك بارزانى ) و دامهزراوهیێن نیشتیمانییێن هێزێن سیاسی، شیاین ب سهركهڤتیانه رهوایێ قهوارهیێ ههرێمێ و دامهزراوهیێن وێ یێن شهرعى بپارێزین و بهرگرییێ ژێ بكهن و رووبروو ههموو گوهۆرین و گهف و پلانان ببین، ژ وان ژى رێكخراوا تیرۆرستییا داعشێ
وهلاتییێن هێژا…
ئهڤرۆ كوردستان د قووناغهكا ههستیار و پر ئهركدا دهرباز دبیت كو چارهنڤیسێ ههرێمێ و وهلاتییێن وی پێڤه یێ گرێدایه، ئهڤجا ئهم زێدهتر پێدڤى ب ههماههنگى و ئێكدهنگییێ نه بۆ هندێ پارت و هێزێن سیاسى رۆلێ خوه د بهێزكرنا پێگههێ سیاسى و دیپلۆماسیانه یێ قهوارهیێ ههرێما كوردستانێ و رووبرووبوونا ههر بزاڤهكا كو ئارمانجا وێ لاوازكرنا قهوارهیێ ههرێمێ و پێشلكرنا دهستوورى بیت، ههروهسا پاراستنا سهروهرییا ههرێمێ و بهرژهوهندییێن وێ و رێزگرتن ل بهرژهوهندییێن ههڤقشك و سهروهرییا وهلاتێن جیران و بهێزكرنا ستوونێن ئهمنییهت و ئارامى و ئاسوودهییا وهلاتییان و مۆكۆمكرنا ژێرخانهیا ئابوورى و بنهمایێن كۆمهلگهههكا پێشكهڤتى و ساخلهم و دوور ژ توندوتیژى و تاوانكارییێ.
ل پێشییا ڤان مه وهك پارتى دیموكراتى كوردستان ههردهم داكۆكى ل پرهنسیپێن دیموكراسیى و ئاشتییانه دهستههلات كرییو و دوى بیاڤیدا مه بزاڤ ژى كرینه ههلبژارتن ل دهمێ خوه یێ گهنجاى بهینهكرن، لهوما پشتهڤانییێ ل فهرمانیا ههرێمییا ژماره 252 یا سالا 2023ێ یا سهرۆكێ ههرێما كوردستانێ بۆ دیاركرنا رۆژا 25ى شۆباتا 2024ێ وهكو ژڤانێ ههلبژارتنێن خۆلا شهشێ یا پهرلهمانێ كوردستانێ دكهین.
ئهڤ ههلبژارتنه باوهری و شهرعییهتێ بۆ دامهزراوهیێن كوردستانێ نوو دكهت ب پێكینانا پهرلهمانى و حكومهتهكا نوو، داكو بنیاتدانا دهستوورهكێ سهردهمى بۆ ههرێما كوردستانێ كو حوكمرانییهكا بهێزتر لێ پهیدابیت، ههڤدهم دهنگێ مهژى ل عیراقێ زهلالتر دكهت بۆ داكۆكیكرنێ ل مافێن دهستووییێن كوردستانێ، دناڤ خۆژیدا ب ئیرادهیهكا جددیتر كار بۆ چاكسازییێن سهرانسهرى بكهین، كو مفایێن بدهستڤهئینانا عهدالهتا جڤاكى و شهفافییهتا زێدهتر و خۆشگۆزهرانییا خهلكێ كوردستانێ بخۆڤه بگریت.
ل سهر ئاستێ عیراقا فیدرال ژى دا ههتاكو جارهكا دى ئاریشه و قهیران دووباره نهبن، ههموو بزاڤ هاتینه كرن كو دانوستاندن دگهل حكومهتا فیدرال و لایهنێن پێكئینهرێن حكومهتێ رێكا خوه یا راست بگریت و رێككهڤتنێن ههڤپهیمانا ئیدارهیا ب رێڤهبرنا دهولهتێ و كارنامهیا حكومهتا فیدرال بهێنه بجهئینان بۆ چارهسهركرنا ئێكجارى یا بابهتێن گرنگێن ئهڤرۆ د رێزێدانه، وهكو ماددهیێ ( 140 ) و بابهتێ دهڤهرێن كوردستانێ یێن ژ دهرڤهى ئیدارهیا ههرێمێ و بودجه و شایستهیێن داراییێن ههرێمێ و بابهتێ نهفتێ و بابهتێن ههلاویستى.
دڤێ ههلكهڤتا مهزندا، ئهم ل پارتى دموكراتى كوردستان وهكو ههر جار ل سهر ههمان پرهنسیپ و پهیاما راست و دروستا پارتا خوه دووپاتییێ ل رێكخستنا ناڤ مالا كوردستانێ دكهین و جارهكا دى ب پشتراستیڤه سۆزێ ددهین و پێداگیرییێ ل سهر بهرژهوهندییێن بلندێن گهلێ خوه دكهین و پارێزهر و پشتهڤانێن ب هێز یێن دامهزراوهیێن شهرعى و حكومهتا ههرێما كوردستانێ بین، ههروهسا ل سهر كارو ئهركێن نهتهوهیى و نیشتیمانییێن خوه د بهردهوامبین بۆ داكۆكیكرنێ ل بنهمایێن راست و دروستێن دیموكراسییهت و پێكڤهژیان و ئێك و دوو قهبوولكرنا سیاسى، ههڤدهم باشتركرنا رهوشا ئابوور و ژیانا رۆژانه یا وهلاتییان.
لە یادی شازدەی ئابدا..
بەڵێن بۆ سەركردە و دامەزرێنەری پارتیمان بارزانیی نەمر و كاكە ئیدریسی هەمیشە لە یاد و تێكڕای شەهیدانی پارتی و ڕێگای ڕزگاری كوردستان نوێ دەكەینەوە، کە پارێزەر و قوتابی بە وەفای ئەم رێبازە بین و تا بەدیهێنانی ئەو ئامانجەی كە ئەوان لە پێناویدا گیانیان سپارد، كۆڵ نەدەین.
د ههلكهڤتا شازدهى تهباخێدا
سهرێ رێز و نهوازشێ بۆ شههیدێن كورد و كوردستانێ د چهمینین و سلاڤ بۆ مالباتێن وان یێن سهربلند..
رێز و سلاڤ بۆ هێزێن پێشمهرگهیێ كوردستانێ..
سلاڤ بۆ كادریێن دلسۆزێن پارتییا مه كو د ههموو رهوشاندا د خۆراگر و ماندوونهناس و نموونهیا وره و دهست نهداهێلانێ نه.
سلاڤێن گهرم بۆ ههموو ئهندام و لایهنگر و جهماوهرێ پارتییا مه، ئهوێن 77 سالێن ئالایێ پارتی بلند راگرتى و د سهركهڤتن و شكهستناندا باوهرییا وان نههاتییه گوهۆرین و ئیرادهیا وان پۆلایین بوویى و پابهندییا وان ب رێبازا بارزانى هندى وێڤهتره موكۆمتر لێ دهێت.
سلاڤ و پێزانین بۆ خۆراگرییا ههموو گهلێ كوردستانێ، كو سهربلند و خۆراگربوون و سهلماندن شكۆیا كهرامهتا نهتهوهیى ل سهر روویێ ههموو تشتهكییه، ههر وێ سهربلندییه ژى دووماهى جار دێ شكهستنێ ب پلان و قهیرانان ئینیت.
بلند و پیرۆز بیت 77 سالێن خهبات و قوربانیدانا پارتییا مه، پارتى دیموكراتى كوردستان.
ههر بلند بیت ئالایێ كوردستانێ..
سهربكهڤیت خهباتا رهوا یا نهتهوهیێ كورد و كوردستانێ..
