<h3 style="text-align: justify;"><span style="font-size: 18pt;">سه‌رۆكێ لژنه‌یا نه‌فتێ دیاركر، رۆژانه هه‌رێما كوردستانێ 120 هزار به‌رمیلێن نه‌فتێ راده‌ستى عیراقێ دكه‌ت، محه‌مه‌د شیاع سوودانى سه‌رۆكوه‌زیرێن عیراقێ دڤى چارچووڤه‌یدا سۆزدایه بۆ هنارتنا مووچه و شایسته‌یێن داراییێن هه‌رێما كوردستانێ یێ هاریكار و هه‌ماهه‌نگ بیت.</span></h3> <h3 style="text-align: justify;"><span style="font-size: 18pt;">هه‌یبه‌ت حه‌لبووسى سه‌رۆكێ لژنه‌یا نه‌فتێ ل په‌رله‌مانێ عیراقێ دیاركر، د چارچووڤێ قانوونا بودجه‌یدا، دڤێت پشتى راده‌ستكرنا نه‌فتا هه‌رێمێ، مووچه بهێته هنارتن، سه‌رۆكوه‌زیرێن عیراقێ د كۆمبوونه‌كێدا وه‌سا ده‌ركه‌ڤت، كو هه‌ماهه‌نگ و پابه‌نده ب ده‌قێ قانووونا بودجه‌ى، نوكه رۆژانه 120 هزار به‌رمیل ژلایێ حكومه‌تا هه‌رێما كوردستانێ ڤه ب رێكا كۆمپانییا ( سۆمۆ ) راده‌ستى حكومه‌تا عیراقێ دهێنه‌كرن.</span></h3> <h3 style="text-align: justify;"><span style="font-size: 18pt;">بریاره ل رۆژا ئه‌ینییێ 25 – 8 – 2023ێ شاندێ حكومه‌تا هه‌رێما كوردستانێ ڤه‌گه‌ریته به‌غدا بۆ تمامكرنا دانوستاندنێن خه‌رجكرنا مووچه و شایسته‌یێن دارایى ژ چارچووڤێ قانوونا بودجه‌ى، هه‌تا وى ده‌مى به‌غدا دێ ووردبینییێ ل دۆر راده‌ستكرنا كه‌یسێن داهاتێ نه نه‌فتى یێن هه‌رێما كوردستانێ تمام كه‌ت.</span></h3> <h3 style="text-align: justify;"><span style="font-size: 18pt;">ل سه‌ر داخوازا شاندێ حكومه‌تا فیدرالى، هه‌تا چار بۆ پێنج رۆژێن دى كۆمبوون هاتنه پاشخستن، ژبه‌ركو ل دووڤ ئاخڤتنێن عیراقێ، وان هێشتا خوه بۆ كۆمبوونان به‌رهه‌ڤ نه‌كرییه، هیڤییا وان ئه‌وه د ده‌مه‌كێ نێزیكدا ئه‌و كۆمبوونه ل دووماهییا ڤێ حه‌فتییێ بهێته‌كرن و بگه‌هنه میكانیزمه‌كا دروست، كو بودجه بهێته بجهئینان و پشكا هه‌رێمێ ژى بهێته هنارتن.</span></h3>
