ئەڤرۆ نێچیرڤان بارزانی، سەرۆكێ هەرێما كوردستانێ پێشوازی ل تۆم تۆگێندهات، وەزیرێ بریتانیا بۆ كاروبارێن ئاسایشێ و شاندێ دگەلدا كر.
د كۆمبوونێ دا دوماهی پێشهاتێن شەڕێ دژی تیرۆرێ و ڕووبڕووبوونا مەترسییێن داعشێ، هەلبژارتن و ڕەوشا ناڤخۆ یا هەرێما كوردستانێ، پەیوەندییێن هەولێر و بەغدا، كۆچا نەیاسایی بۆ بریتانیا و ڕووبڕووبوونا ماددێن هوشبەر هاتنە گوتوبێژكرن.
هەردوولا دۆپاتی ل گرنگییا هاریكارییا هەڤپشك یا بریتانیا دگەل عیراقێ و هەرێما كوردستانێ بۆ كێمكرنا كۆچا نەیاسایی كر و ل دور وی بابەتی بەحس ل ” یاداشتەكا لێكتێگەهشتنێ هاتەكرن كو دێ دناڤبەرا حكومەتا هەرێمێ و حكومەتا بریتانیا دا هێتە ئیمزاكرن “.
د پشكەكا دی یا كۆمبوونێ دا ڕەوشا هەرێمێ و ئەنجامدانا هەلبژارتنان هاتنە گوتوبێژكرن و هەردوولا د هەڤڕابوون ل سەر گرنگییا خورتكرنا ئێكڕێزییا ناڤخۆیی و ئەنجامدانا هەلبژارتنان و سەرۆكێ هەرێمێ ژی دۆپاتكر كو هەرێم پابەندی ئەنجامدانا هەلبژارتنایە و شەرعییەتا هەرێما كوردستانێ ژ هەلبژارتنان دهێت.
