ئاژانسا خانی ، زنار تۆڤی:
عادل بێسفكی، رێڤه‌به‌رێ ناحییا فه‌ییدیێ، بۆ ئاژانسا خانی دیار كر: د نوكه دا ب كوژمێ 11 ملیار دیناران هژماره‌كا پرۆژان ل كۆمه‌لگه‌ها دۆمیز ل سنوورێ ناحییا فه‌ییدیێ دهێنه بجهئینان، ژ وان ژی ب كوژمێ شه‌ش ملیار دیناران دێ 100 جادێن كۆمه‌لگه‌ها دۆمیز هێنه قێركرن، دیسان ب كوژمێ نێزیكی 2 ملیار دیناران دێ بنگه‌هه‌كێ ساخله‌مییێ ژی ل دۆمیز هێته ئاڤاكرن و د هه‌مان ده‌مدا ب كوژمێ ملیاره‌كێ دێ قۆتابخانه‌ك ژی ل وێ كۆمه‌لگه‌هێ هێته ئاڤاكرن.
ناڤهاتی گۆت ژی: ب كوژمێ ملیار دیناران دێ پرۆژێ ئاڤا ناحییا فه‌ییدیێ هێته چێكرن، هه‌روه‌سا ب كوژمێ ملیار دیناران دێ هژماره‌كا جادان ل سه‌نته‌رێ ناحییا فه‌ییدیێ هێنه چێكرن و ديسان 500 ملیۆن دینار هاتینه ته‌رخانكرن بۆ رۆنكرنا جادێن ناڤخۆیی ل سه‌نته‌رێ ناحییێ، نوكه كار ل سه‌ر ئةڤان هه‌موو پرۆژان دهێته كرن و دیسان چه‌ندین جاده ژی هاتینه قێركرن و ئه‌و جاده ب ره‌نگه‌كێ نوو دێ هێنه چێكرن و دێ كه‌ڤنه د خزمه‌تا وه‌لاتییان دا.
