د كۆمبوونێدا پەیوەندییێن توركیا دگەل عیراق و هەرێما كوردستانێ و بوارێن هاریكارییێن هاڤبەش دناڤبەرا وان دا، پەیوەندی و ئاریشەییێن هەولێر و بەغدا و دانوستاندنێن چارەسەركرنێ، ڕەوشا عیراق و هەرێما كوردستانێ ب گشتی گۆتۆبێژكرن.
نێچيرڤان بارزانى دیاركر، هەرێما كوردستانێ گرنگییێ ب پەیوەندییێن دگەل توركیا ددەت ژبۆ بەرژەوەندییێن هاڤبەش یێن ئابووری، بازرگانی و ئەمنی، هەروەسا ئامادەییا خۆ د هەمی بوارێن پێشڤەبرنا پەیوەندییێن هەولێر و ئەنقەرە دیاركر.
هەروەسا نێچيرڤان بارزانى سوپاسییا توركیا كر بۆ پشتەڤانییا هەرێما كوردستانێ د هەمی بواراندا ب تایبەتی د دەمێن دژواردا و گۆت، هەرێما كوردستانێ پشتەڤانی و هاریكارییا توركیا ژبیرناكەت.
وه‌زيرێ دەرڤەیێ توركيا د كۆمبوونێدا گۆت، توركیا گرنگییەكا تایبەت ب پەیوەندییێن دگەل عیراق و هەرێما كوردستانێ ددەت، بەغدا و هەولێر گرنگییەكا تایبەت هەیە بۆ توركیا.
وه‌زيرێ دەرڤەیێ توركيا ستایشا ئارامى و سه‌قامگيريیا هه‌ولێر و هه‌رێما كوردستانێ كر و ئاماده‌ييا وەلاتێ خۆ بۆ بەرفرەهكرنا په‌يوه‌ندييان و هاريكاريیا هەڤبەش دناڤبەرا هەردوو لایان دیاركر، هەروەسا سوپاسییا ڕۆلێ سه‌رۆك نێچيرڤان بازرانى كر د پێشڤەبرنا پەیوەندییێن عیراق و هه‌رێما كوردستانێ دگەل توركيا.
د تەوەرەكێ دی یێ كۆمبوونێدا بەحس ل هنارتنا پەتڕۆلا هەرێما كوردستانێ ب ڕێكا بەندەرێ جەیهان یێ توركیا هاتەكرن هەروەسا چەندین پرسێن دی یێن گرنگ هاتنە گۆتۆبێژكرن.
