سوبه‌هى شانده‌كێ هه‌رێما كوردستانێ دێ چیته‌ به‌غدا

سوبه‌هى شانده‌كی حكومه‌تا هه‌رێما كوردستانێ بۆ دانوستاندكرنێ ل دۆر پرۆژه‌قانوونا نه‌فت و گازێ دێ سه‌ره‌دانا به‌غدا كه‌ت.

كه‌مال محه‌مه‌د سالح وه‌زیرێ سامانێن سروشتی یێ حكومه‌تا هه‌رێما كوردستانێ ب وه‌كاله‌ت راگه‌هاند، سوبه‌هى دێ ب هه‌ڤالینییا شانده‌كێ وه‌زاره‌تێ و كه‌سێن قانوونى سه‌ره‌دانا به‌غدا كه‌ن.

ب ئاخڤتنێن كه‌مال محه‌مه‌د سالحى، شاندێ حكومه‌تا هه‌رێما كوردستانێ د سه‌ره‌دانا خوه‌دا بۆ به‌غدا، دێ دگه‌ل نڤێسینگه‌ها محه‌مه‌د شیاع سوودانى سه‌رۆكوه‌زیرێن عیراقێ و وه‌زاره‌تا نه‌فتێ كۆمبیت، دێ به‌رپرسێن وان پارێزگه‌هان ژى د كۆمبوونێدا به‌رهه‌ڤبن یێن په‌ترۆلێ به‌رهه‌م دئینن و دێ دانوستاندن ل دۆر پرۆژه‌قانوونا په‌ترۆلێ هێته‌كرن.

هه‌روه‌سا د په‌راوێزا كۆمبووناندا دێ به‌حسا هنارتنا پشكا به‌نزین و گازا سپى ژلایێ به‌رپرسێن هه‌رێما كوردستانێ ڤه‌ دگه‌ل به‌رپرسێن عیراقێ هێته‌كرن.