سهرۆك مهسعود بارزانى، د 35مین سالڤهگهرا ئهنفالێن بههدینان دا پهیامهك بهلاڤكر و دياركريه: د دریژاهیا وان زنجیرهیا تاوان و كارهساتێن سهدێ بۆرى ل دژى گهلێ كوردێن فهیلى و گهنجێن گهلێ مه ل بارزان، گهرمیان و ههلبجه و جهێن دى هاتنه كرن، سیهـ و پێنج سالان بهریا نوكه رژێما پێشتر یا ئیراقێ دوماهى قۆناغا پرۆسهیا ئهنفالان پشتى بۆمبهبارانكرن و كێمیابارانكرنێ، پتریا دهڤهرا بههدینان و خهلكێ وێ ناوچێ و پێكهاتێن وێ رووبرووى گرتن و بێسهروشوین كرنێ كرن، حكومهتا وى دهمى یا ئیراقێ ل پێش چاڤێن جیهانێ سهدان هزار سهرباز و چهكێ گران ل دژى سڤیلێن بههدینان بكارئینا، ئارمانجا وان شكاندنا ئیرادهیا شۆڕشگێرى یا بههدینان بوو، بهلێ گهلێ كوردستانێ خودان ئیراده و قهزیهكا رهوا بوو و چ جاران ههمبهرى وان تاوان و ستهمكاریا دوژمنى خۆ رادهست نهكریه.
سهرۆك مهسعود بارزانى ههروهسا گۆت: دوژمن و تاوانباران باجا شاشى و تاوانێن خۆ دا و ئهڤه وانهیهكه مهزنه بۆ گهلێ مه ل دهمهكى وانهیهكه بۆ نهیار و نهحهزێن كوردستانێ.
ل دوماهیا پهیاما خۆ سهرۆك بارزانى دبێژیت: ” د سالیادا ئهنفالێن بههدینان دا سلاڤان بۆ گیانێ پاقژێ شههیدان و ئهنفالكریان د هنێرین و دوپاتیێ دكهین كو دڤێت دهولهتا ئیراقی قهرهبوویا جینۆساید و تاوان و زولمێ بكهت یێن د دهرحهق مللهتێ مهدا هاتینه كرن”.
