په‌رله‌مانتاره‌ك: ئه‌و پرۆژه‌ یاسایێ نه‌فت و غازێ یێ كو ژ لایێ وه‌زاره‌تا نه‌فتا عیراقێ ڤه‌ هاتییه‌ به‌رهه‌ڤ كرن نه‌یێ باشه‌

ئاژانسا خانی ” زنار تۆڤی:

د. سەباح سوبحی، ئەندامێ لژنا نەفت و غازێ ل پەرلەمانێ عێراقێ بۆ ئاژانسا خانی گۆت: پرۆژه‌ یاسایێ نه‌فت و غازێ ئه‌وێ ژ لایێ حكومه‌تا عیراقێ ڤه‌ هاتییه‌ به‌رهه‌ڤ كرن نه‌یێ باشه‌” د گه‌له‌ك برگێن وی پرۆژه‌ یاسایی دا” مه‌ركه‌زییه‌ت تێدا هه‌یه‌” ب تایبه‌تی د وارێن ده‌رخستن و هه‌لكولانا بیرێن نه‌فتێ دا” له‌وما مه‌ پێدڤی ب پرۆژه‌كێ باشتر هه‌یه‌” هه‌روه‌سا حكومه‌تا هه‌رێما كوردستانێ ژی بوچوون و پیشنیارێن خۆ ل سه‌ر پرۆژه‌ یاسایێ نه‌فت و غازێ هه‌نه‌” دیسان حكومه‌تا هه‌رێمێ بزاڤان دكه‌ت” كو پرۆژه‌ك بهێته‌ دانان ب هه‌ماهه‌نگی ل گه‌ل حكومه‌تا عیراقێ بیت و لدووڤ وان مافێن ده‌ستووری بن” ئه‌وێن د مادێن ( 111_112) یێن دناڤا ده‌ستوورێ عێراقێ دا هه‌یین” دیسان ئه‌م هه‌موو بزاڤان دكه‌ین” كو ئه‌و پرۆژێ دهێته‌ به‌رهه‌ڤ كرن” یێ باش بیت” ده‌مێ دهێته‌ په‌رله‌مانی ژی ئاریشان بۆ مه‌ دروست نه‌كه‌ت.

ناڤهاتی گۆت ژی: ئه‌ڤ یاسایه‌ گه‌له‌ك یاسایه‌كێ حه‌ساسه‌ و د هه‌مان ده‌مدا” چاره‌نڤیسا مه‌ ژی وه‌كو كورد دێ دیار كه‌ت” له‌وما مه‌ پێدڤی ب ده‌مه‌كێ درێژ هه‌یه‌” هه‌تاكو بشێین یاسایه‌كێ گۆنجایی و باش ده‌ربیخین و چ ئاریشان ژی بۆ مه‌ دروست نه‌كه‌ت” چونكی ئه‌ڤ یاسایه‌ دێ رێكخستنێ ئێخیته‌ هه‌یكه‌لێ ئابووری یێ عیراقێ” دیسان دڤێت حكومه‌تا عیراقێ ژی هه‌ڤكارییا حكومه‌تا هه‌رێمێ بكه‌ت” چونكی ب هه‌ڤكارییا هه‌ردو حكومه‌تان ئه‌ڤ یاسایه‌ ب ره‌نگه‌كێ باش و سه‌ركه‌فتی دێ هێته‌ بجهئینان.

د. سه‌باح سوبحی دبێژیت ژی: هه‌ر ژ 25 ی ئادارا 2023 ێ هه‌تا نوكه‌ نه‌فتا هه‌رێما كوردستانێ هاتییه‌ راوه‌ستاندن” ئه‌ڤێ ژی پتر ژ 4 ملیار و 800 ملیۆن دۆلاران زیان گه‌هشتییه‌ بودجه‌یا گشتی ل عیراقێ” د هه‌مان ده‌مدا شانده‌كێ عیراقێ سه‌ره‌دانا توركیا كرییه‌” بۆ هندێ كو جاره‌كا دی نه‌فتا هه‌رێمێ ب ڕێیا توركیا بۆ ده‌رڤه‌ بهێته‌ هنارتن” ل گه‌ل هندێ ژی شانده‌كێ توركیا ب سه‌رۆكاتییا وه‌زیرێ ده‌رڤه‌ یێ توركیا هاتییه‌ عێراقێ و هه‌رێما كوردستانێ” ب مه‌ره‌ما هنارتنا نه‌فتا هه‌رێمێ” دیسان توركیا شه‌ش مه‌رج داناینه‌ بۆ دەستپێکرنا هنارتنا نەفتا هەرێما کوردستانێ و کەرکووکێ ب رێیا بەندەرێ جەیهان یێ توركی.”