په‌یڤدارێ وەزارەتا دەرڤه یا ئیرانێ گۆت، هه‌كه وەزیرێ دەرڤه یێ ئیرانێ سەره‌دانا عێراقێ بکه‌ت، رەنگە سەره‌دانا هەرێما کوردستانێ ژی بکه‌ت.
ناسر کەنعانی، د کۆنفرانسێ رۆژنامەڤانییێ حەفتییانە دا” ئه‌ڤرۆ دوشه‌مبی گۆت، پەیوەندی یێن مه ل گه‌ل هەرێما کوردستانا عێراقێ پەیوەندی یێن باش و ئاڤاكه‌رن” هەرێما کوردستانا عێراقێ وەکو پشكه‌ك ژ پێکهاتەیێ سیاسییێ عێراقێ، هه‌ڤپشكا کۆمارا ئیسلامییا ئیرانێیە د بیاڤێن جۆدا دا.
ناڤهاتی گۆت ژی، نوكه ده‌م نه‌هاتییه دیار کرن بۆ سەره‌دانا وەزیرێ دەرڤه بۆ عێراقێ و هەرێما کوردستانێ، بەلێ دبیت د داهاتیدا و ئەگەر وەزیرێ دەرڤە سەره‌دانا عێراقێ کر، پلانێ بۆ سەره‌دانا هەرێما کوردستانێ ژی بدانیت.
