سه‌رۆك بارزانى سه‌ره‌خۆشى ل عومه‌ر ئۆره‌یى كر

‎لقا هه‌شت یا پارتى دیموكراتى كوردستان راگه‌هاند، سەرۆك بارزانی سەرەخۆشی ل عومەر ئۆرەیی بەرپرسێ لقا هه‌شت یا پارتی دیموکراتی کوردستان کر.

‎لقا هه‌شت دیاركر، ڕابەر و لێڤەگەرێ کوردان سەرۆك مه‌سعوود بارزانی ب رێكا تله‌فۆنێ په‌یوه‌ندى ب عومەر ئۆرەیی بەرپرسێ لقا هه‌شت یا پارتی دیموکراتی کوردستان ل زاخۆ كر، سه‌ره‌خۆشى ل وى و مالباتا وى كر، ژبه‌ر وەغەركرنا برایێ وی خودێ ژێ رازی پێشمەرگەیێ دێرین (ئەحمەد خالد ئۆرەیی) یێ.

‎ئاشكرا ژى كر، سەرۆك بارزانی، د پەیوەندییا تلەفۆنیدا زێده‌بارى دیارکرنا ھەڤخەمییا خوە بۆ عومەر ئۆرەیی و مالباتا وی، ھیڤی خواستن خۆدایێ مەزن خۆدێ ژێ رازی ب دلوڤانییا خوە شاد بکەت و ھەدارێ بدەتە کەسوکارێن وی.

‎هه‌روه‌سا ئاماژه‌ ب هندێ دا، ژلایێ خۆڤە عومەر ئۆرەیی بەرپرسێ لقا هه‌شت یا پارتی دیموکراتی کوردستان سوپاسییا سەرۆك بارزانی کر بۆ پەیوەندی و ھەڤخەمی و ھەڤپشکییا وی د بەھییای واندا.