سه‌رۆكێ حكومه‌تا هه‌رێمێ سه‌ره‌خۆشییێ ل عومه‌ر ئۆره‌یى دكه‌ت

‎مەسرور بارزانی سەرۆکێ حکۆمەتا هەرێما کوردستانێ د پەیوەندیەکا تەلەفۆنی دا، هەڤخەمییا خوە ژ بۆ وەغەرا پێشمەرگەیێ دێرین و ئەفسەرێ ماندوونەناسێ جڤاتا ئاسایشا هەرێما کوردستانێ (ئەحمەد خالد ئۆرەیی) دیارکر و سەرەخۆشیێن خوە ل برایێ خۆدێ ژێ رازی عومەر ئۆرەیی بەرپرسێ لقا هه‌شت یا پارتی دیموکراتی کوردستان ل زاخۆ کر.

‎سەرۆکێ حکۆمەتا هەرێما کوردستانێ ھیڤی خواستن خودایێ مه‌زن جهێ خۆدێ ژێ رازی بکەتە بەهشت و سەبر و ھەدارێ بدەتە کەسوکارێن وی.

‎ژلایێ خوەڤە، عومەر ئۆرەیی بەرپرسێ لقا هه‌شت یا پارتی دیموکراتی کوردستان سوپاسییا سەرۆکێ حکۆمەتا هەرێما کوردستانێ کر کو هەڤپشکێ خەما مالباتا وان بوویە.