<h3 style="text-align: justify;"><span style="font-size: 18pt;">فه‌رمانگه‌ها میدیا و زانیارییان یا حكومه‌تا هه‌رێما كوردستانێ راگه‌هاند، دابینكرنا خزمه‌تگوزارییێن ساخله‌مییا بێ به‌رامبه‌ر بۆ نه‌خۆشان یا به‌رده‌وامه، ئێدى پشكنین و چاره‌سه‌رى بۆ نه‌خۆشێن په‌نجه‌شێرێ دێ بێى به‌رامبه‌ر هێنه‌كرن و ل ناڤ و ژ ده‌رڤه‌ى وه‌لاتى ژى نشته‌رگه‌رى دێ بۆ هێنه‌كرن.</span></h3> <h3 style="text-align: justify;"><span style="font-size: 18pt;">فه‌رمانگه‌ها میدیا و زانیارییان ئاشكراكر، هه‌ر نه‌خۆشه‌كێ په‌نجه‌شێرێ پێدڤى ب پشكنین و چاره‌سه‌رییێ بیت، حكومه‌ت دێ بێى به‌رامبه‌ر بۆ دابین كه‌ت، د شه‌ش هه‌یڤێن ده‌ستپێكێ یێن ئه‌ڤ ساله‌دا، 910 پشكنینێن پیستى ب 637 ملیۆن دیناران ل نه‌خۆشخانه‌یا په‌نجه‌شێرێ هاتینه كرن، كو خه‌رجییێن وێ ل سه‌ر نه‌خۆشان 750 دۆلار بوون و حكومه‌ت دێ بێى به‌رامبه‌ر بۆ دابین كه‌ت.</span></h3> <h3 style="text-align: justify;"><span style="font-size: 18pt;">ئه‌ڤه ژبلى هندێ د شه‌ش هه‌یڤێن ده‌ستپێكێ یێن ئه‌ڤ ساله‌دا 68 نه‌خۆش بۆ پشكنینا ئۆنكۆتا بۆ ئه‌مریكا هاتینه هنارتن و خه‌رجییێن وان 251 ملیۆن دیناربوون و ل سه‌ر حكومه‌تا هه‌رێمێ بوون.</span></h3> <h3 style="text-align: justify;"><span style="font-size: 18pt;">سندۆقا په‌نجه‌شێرێ ئێكه ژ خزمه‌تگوزارییێن به‌رده‌وامێن حكومه‌تێ بۆ نه‌خۆشێن په‌نجه‌شێرێ و دماوێ شه‌ش هه‌یڤێن ده‌ستپێكێ یێن ئه‌ڤ ساله‌دا، زێده‌تر ژ دوو ملیار دیناران بۆ چاندنا مه‌ژى بۆ 47 نه‌خۆشان ل ده‌رڤه‌ى وه‌لاتى هاتینه خه‌رجكرن، د ده‌مه‌كیدا 408 ملیۆن دینار بۆ نشته‌رگه‌رییان ل ناڤا هه‌رێما كوردستانێ و ژ ده‌رڤه‌ى ژى 468 ملیۆن دینار هاتینه خه‌رجكرن.</span></h3>
