وەزارەتا ژێده‌رێن ئاڤا عیراقێ” رۆهنكرنه‌ك ده‌ربارەیی راپۆرته‌كا كەنالێ (ناشیۆنال جیۆگرافیك) دده‌ت، كو یا تایبەته ب مەترسییا دووبارەبوونا كارەساته‌كا وه‌كو لیبیا ل عێراقێ.
كەنالێ (ناشیۆنال جیۆگرافیك) د راپۆرته‌كێ دا كو ب زمانێ ئینگلیزی ل پێگەهێ خۆ یێ فەرمی به‌لاڤ كرییە و ئاشكرا كرییە، مەترسی هەیە هەمان كارەساتا باژیرێ (دورنە) یا لیبیا ل عێراقێ دوبارە ببیت، چونكی ”مەترسیدارترین بەنداڤا جیهانی“ ل عێراقێیە.
وێ راپۆرتێ به‌حسێ هه‌رفین و ژناڤچوونا به‌نداڤا مووسلێ كرییه، وه‌زراه‌تا ژێده‌رێن ئاڤا عیراقێ ژى دبێژیت: به‌نداڤ یا ب سلامه‌ته و ئه‌و راپۆرتێن به‌حسێ هه‌رفینا به‌نداڤێ دكه‌ن دوورن ژ راستییێ و گۆت ژی” چ راستى بۆ وان راپۆرتان نینن” یێن كو هه‌رفینا به‌نداڤا مووسلێ ب نێزیك د زانن” ژبه‌ركو به‌نداڤا مووسل یا ب سلامه‌ته و مه‌ترسییا هه‌رفین وژ ناڤچوونێ ل سه‌ر نینه.
كه‌نالێ ناشیۆنال جیۆگرافیك به‌لاڤكرییه ژی، به‌نداڤا مووسلێ مه‌ترسیدارترین به‌نداڤا جیهانێ یه و ئه‌گه‌ر ئه‌و به‌نداڤ ب هه‌رفیت و ژناڤ بچیت دێ ملیۆنه‌ك و 500 هزار كه‌س بن ئاڤ بن و ب ده‌هان جهێن شوونوارى دێ ژناڤ چن.
ئەڤرۆ ئێكشەمبی 17ی ئیلۆنا 2023 ێ، وەزارەتا ژێده‌رێن ئاڤا عێراقێ ب فەرمی راگەهاند، ئەو دەنگۆیێن به‌حسی هه‌رفینا بەنداڤا مووسلێ و دوبارەبوونا كارەساتەكا وه‌كو یا لیبیا ل عێراقێ دكەن، ”د راست نینن.“ بەلێ چ هووركاری یێن دیتر نه دیار كرن.
