جەرجیر ب مفاترین كەسكاتییا ڕەنگ تارییە كو بهێـتە خوارن ژبەركو دەولەمەندە ب چەندین ڤیتامین و كانزایان.
گرنگترین مفایێن جەرجیرێ:
1-دژە هەودانەكێ ب هێزە: ژبەركو دەولەمەندە ب ئاسن، ترشێ فۆلیك، یود، فسفۆر، كالسیۆم، ڤیتامین A ، ڤیتامین G، ڤیتامین H و دژە ئۆكسانان.
2-پاراستن ژ پیربوونێ: یا ب مفایە بۆ پاراستن ژ هەودانێن پیستی، پیربوون، پەنجەشێرا پیستی و چارەسەركرنا ئەكزیما و پیست و پرچا مرۆڤی دهێلیتە ساخلەم.
3-پاراستنا غوددێ: ژبەركو دەولەمەندە ب كانزایێ یود كو بۆ كاركرنا غوودێ یێ گرنگە.
4-پاراستن ژ پەنجەشێرێ: ژبەركو دەولەمەندە ب دژەئۆكسانان، ڤەكۆلینێن زانستی دیاردكەن كو جەرجیرێ رۆلەكێ مەزن د پاراستنا مرۆڤی ژ نەخۆشییا پەنجەشێرێ هەیە ب تایبەت پەنجەشێرا سینگی، سیهان، قۆلۆن، پڕۆستات و پەنجەشێرا خوینێ.
5-سڤككرنا نەخۆشییێن كۆئەندامێ هەناسەدانێ: دهێتە بكارئینان د چارەسەرییا هەودانێن كۆئەندامێ هەناسەدانێ دا و كێمركرنا نیشانێن نەخۆشییا ڕەبوویێ ل دەف زارۆكان، ژبەركو یا دە ولەمەند ب ڤیتامین G.
6-چارەسەركرنا نەخۆشییێن كۆئەندامێ هەرسكرنێ: دهێتە بكارئینان بۆ چارەسەركرنا وان نەخۆشییێن د كۆئەندامێ هەرسكرنێ دا چێدبن ژبەركو دەولەمەندە ب ڕیشالان.
7-یا ب مفایە بۆ نەخۆشێن شەكرێ: ژبەركو دەولەمەندە ب ڕیشالان، و یا ب مفایە بۆ كێمكرنا ئاستێ كۆلستڕۆلا زیانبەخش دناڤ لەشی دا و كۆنتڕۆلكرنا بلندبوونا ئاستێ شەكرێ دناڤ خوینێ دا.
8-پاراستنا ساخلەمییا دلی: دەولەمەندە ب پۆتاسیۆمی كو پەستانا خوینێ دئینتە خوار.
9-پاراستنا ساخلەمییا چاڤان: پێكدهێت ژ ڕێژەكا مەزن یا ڤیتامین A، بیتاكارۆتین، لوتین و زیاكسانسین كو ب مفانە بۆ پاراستنا ساخلەمییا چاڤان.
10-باشتركرنا كارێ كۆئەندامێ بەرگرییێ: دەولەمەندە ب ڤیتامین G كو ساخلەمییا كۆئەندامێ بەرگرییێ دپارێزیت ب ڕێكا دروستكرنا تەپكێن سپی یێن خوینێ.
11-پاراستنا ساخلەمییا هەستییان: دەولەمەندە ب ڤیتامین K، مەگنسیۆم، كالسیۆم، پۆتاسیۆم و فسفۆر كو هەستییان دپارێزن.
