سه‌رۆكێ هه‌رێما كوردستانێ دگه‌ل فه‌رمانده‌یێ گشتییێ هێزێن هه‌پڤه‌یمانان ل عیراق و سووریێ كۆمبوو و به‌حسا به‌رهنگاربوونا تیرۆرێ و مه‌ترسییێن داعشێ و پرۆسه‌یا چاكسازییێ ل وه‌زاره‌تا پێشمه‌رگه‌ى كر.
نێچیرڤان بارزانى سه‌رۆكی هه‌رێما كوردستانێ پێشوازى ل جه‌نه‌ران جۆل ڤاۆل فه‌رمانده‌یێ گشتییێ هێزێن هه‌ڤپه‌یمانان ل عیراق و سووریا و شاندێ دگه‌لدا كر.
دكۆمبوونا دناڤبه‌را واندا، دووماهى پێشهاتێن به‌رهنگاربوونا تیرۆرێ و مه‌ترسییێن داعشێ ل عیراق و سووریا، پرۆسه‌یا چاكسازییێ ل وه‌زاره‌تا پێشمه‌رگه‌ى و دووماهى پێنگاڤێن ئێكخستنا هێزێن پێشمه‌رگه‌ى و ئاریشه‌یێن به‌رده‌وم وان پێنگاڤان هاتنه گوتوبێژكرن.
هه‌ردوو لایان دووپاتى ل هندێ كر، دڤێت ل عیراق و ل سووریا ژى هه‌موو لایه‌ن بۆ رێگرتنێ ژ سه‌رهلدانا داعشێ دهاریكاربن كو هێشتا گه‌فه‌كا راسته‌قینه‌یه ل سه‌ر ئاسایش و سه‌قامگێرییا ده‌ڤه‌رێ.
