وهزیرێ دەرڤە یێ عیراقێ ڕادگەهینیت، د گۆتبێژێن مە یێن دگەل ئەمریکا دا، دوپاتی لسەر کارێ پێکڤە د بوارێ وزەیێ، لەشکەری،ساخلەمیی و ئاسایشێدا هاتە کرن، گۆتژی:” پەیوەندییێن عیراق و ئەمریکا د بوارێ ئەمنی و لەشکەریدا پێشڤە چووینە.”
فوئاد حسێن، وهزیرێ دهرڤه یێ عیراقێ، د دیدارەکێدا دگەل کەنالێ ئهلحوره راگەهاند، پهیوهندییێن ئهمهریكا و عیراقێ د بوارێن ئهمنی ولەشکەریدا گەلەک د باشن و پێشڤەچووینە.
ئاماژه کرژی، د پێگههێ نێڤدەولەتیدا، واشنتن پشتەڤانییێن خۆ بۆ عیراقێ دوپات دکەت، سەرەرای پشتەڤانییا ئهمریكا بۆ پرسێنچاكسازیێ، ئابووری و گهشهپێدانێ ل عیراقێ.
دەربارەی رێککەفتنا ئهمنی یا دناڤبەرا عیراقێ و كۆمارا ئیسلامی یا ئیرانێ دا، فوئاد حسێن بۆ تهلهڤزیۆنا ئهلحوره راگههاند، ناڤەرۆکاڕێککەفتنێ ژ لایێ عیراقێ ڤە هاتیە بجهئینان، کو تایبەت بوویە ب چەکدارێن ئۆپزسیونان و ڤەگەراندنا وان بۆ ناڤ کەمپێن ئاوارەیان.
دەربارەی بۆردوومانا فڕۆكهخانهیا عهربهت جێگرێ سەرۆکوەزیرێن عیراقێ گۆت: سهرۆككۆمارێ عیراقێ باڵیۆزێ توركیا ل بهغدا گازی كریەو نامهیا نە ڕازیبوونێ دایێ.
دەربارەی ڕێککەفتنا دگەل کوێتێ، فوئاد حسێن راگەهاند، عیراق یا پێگیری گشت بڕیارێن جڤاتا ئاسایشا نێڤدەولەتیە دەربارەی کوێتێ،هەروەسا رێزێ ل سەروەریا ئاخا ئەوی وەلاتی دگریت.
د نوکە دا فوئاد حسێن، وهزیرێ دهرڤە یێ عیراقێ ب یاوهرییا محهمهد شیاع سوودانی سهرۆكوهزیرێن عیراقێ د پەراوێزا پشکداریکرن دکۆمبوونێن خولا 78 یا كۆمهڵهیا گشتی یا نهتهوهیێن ئێکگرتی ل باژێرێ نیویۆرك یێ ویلایهتێن ئێكگرتی یێن ئهمریكا.
