<h3 style="text-align: justify;"><span style="font-size: 18pt;">مهروا جیان كچا ئیدارهیا سهربهخۆ یا زاخۆ پشكداری دتاقیكرنێن ئێكهتییا فوتبۆلا عیراقێدا كرییه، چاڤهرێیه بۆ ههلبژارتییێ پێگههشتییێن عیراقێ بهێته گازیكرن.</span></h3> <h3 style="text-align: justify;"><span style="font-size: 18pt;">مهروا جیان بۆ ئاژانسا خانى راگههاند، وێ دگهل 25 یاریكهرێن دى یێن پارێزگهها دهۆكێ پشكدارى دتاقیكرنێن ئێكهتییا فوتبۆلا عیراقێدا كر، شیا سهركهڤتنێ دقووناغا ئێكێ یا تاقیكرناندا بینیت و دگهل 15 یاریكهرێن دى دهربازبیته قووناغا دووێ و دووماهییێ ئهوا دێ پشتى حهفتییهكا دى ل باژێرێ بهغدا هێته برێڤهبرن.</span></h3> <h3 style="text-align: justify;"><span style="font-size: 18pt;">دیار ژى كر، تاقیكرنێن ئێكهتییا عیراقێ ل ههرسێ باژێرێن بهغدا، ههولێر و دهۆكێ هاتنه كرن، هژمارهكا یاریكهرێن خۆدان شیان ژ ههموو دهڤهرێن سنۆرێ پارێزگهها دهۆكێ پشكدار بوون، لێ بههرا پتر فۆكسا راهێنهران ل سهر وێ و ههر ئێك ژ مینا سهرحان، نور زنار، ئهلماس حاج و مهلهكێ بوو و گوت : ئهو یاریكهرێن هاتینه ههلبژارتن ههموو دێ ل بهغدا كۆمبن و قارهمانییهك بۆ وان هێته ڤهكرن، پشتى وێ دێ پێكهاتییێ دووماهییێ هێته دهستنیشانكرن، ئهو یا گهشبینه دناڤ پێكهاتییێ دووماهییێدا بیت.</span></h3> <h3 style="text-align: justify;"><span style="font-size: 18pt;">مهروا یا 16 سالى زێدهتر ئاشكراكر: نوكه ئهو یارییێ بۆ یانهیا نهفت شیمال دكهت، ل حهفتییا بهێت دێ یارییا ئێكێ د خۆلا عیراقێدا بهرامبهر یانهیا بیلادى كهن و گوت : هیڤییا وێ ئهوه بگههیته ئاستهكێ بلند و ئوفهرێن پیشهكارییێ ژ وهلاتێن عهرهبى ژ دهرڤهى عیراقێ بۆ بهێن.</span></h3>
