وه‌زاره‌تا په‌ترۆلا عیراقێ دبه‌یاننامه‌یه‌كێدا به‌لاڤكر، سه‌رجه‌مێ گشتییێ هنارتنا په‌ترۆلێ ل دووڤ ئامارێن ده‌ستپێكێ یێن كۆمپانییا ب بازركرنا په‌ترۆلا عیراقێ ( سۆمۆ )، 130 ملیۆن و 143 هزار به‌رمیل بوو، داهاتێ وێژى نه‌هـ ملیار و 494 ملیۆن دۆلار بوون.
ئاماژه ب هندێ ژى كر، سه‌رجه‌مێ گشتییێ ئه‌وێ رێژه‌یا په‌ترۆلێ یا كو ل هه‌یڤا ئه‌یلولێ ژ كێلگه‌هێن په‌ترۆلێ یێن ناڤه‌راست و باشوورێن عیراقێ هاتییه هنارتن، 102 ملیۆن و 220 هزار و 441 به‌رمیل بوون، هه‌ڤده‌م رێژه‌یا هنارتنێ بۆ ئوردنێ 449 هزار و 423 به‌رمیل بوون.
وه‌زاره‌تا په‌ترۆلێ روون ژى كر، سه‌رجه‌مێ هنارتنا رۆژانه سێ ملیۆن و 438 هزار به‌رمیل بوون د ئێك رۆژدا و ئاشكرا كر، سه‌رجه‌مێ بهایێ ئێك به‌رمیل گه‌هشته 92.05 دۆلاران.
دهه‌یڤا ته‌باخێدا هنارتنا په‌ترۆلێ گه‌هشته 106 ملیۆن و 122 هزار و 874 به‌رمیلان و داهاتێ وێ ژى هه‌شت ملیار و 846 ملیۆن دۆلار بوون.
