بریاردەرێ فراکسیۆنا پارتی دیموکراتی کوردستان ل پەرلەمانێ عێراقێ دیار كر: ئهگهرێ پاشخستن و پهسهند نهكرنا پڕۆژە یاسایێ پارێزگههبوونا هەلهبجە بابهتهكێ سیاسییە ، چونکی چ بههانه نینن بۆ ڕێگریکرنێ ل پەسەندکرنا وی بابهتی” ههر چهنده ئهم ژی رازی بووینه ئهو بابهته بهێته پاشخستن بۆ هندێ هەموو ئالی یێن عیراقی ڕازی ببن و دەنگی لەسەر بدهن و ئهو پرۆژه یاسایه بهێته پەسەند كرن، چونکی ههكه دهنگدان ل سهر بهێته دان و ئهو پرۆژه یاسایه دهنگێن پێدڤی نەئینیت و بهێته رهتكرن و دێ چیتتە خولهكا دیتر یا پهرلهمانی.
شوان کەلاری، زێدهتر بۆ ئاژانسا خانی گۆت: ئالی یێن عهرهبی بههانهیان دگرن كو حکومەت نەخشەكێ نوو یێ ههلهبجه بۆ وان ڕەوانە بکهت، بەلێ ئهڤ چهنده وهسا نینه و ب تنێ وان بابهت كرییه بابهتهكێ سیاسی، وان پێ نهخۆشە پارێزگهههك ل هەرێما کوردستانێ بهێته زێده كرن و ئیستیحقاقێن مادی بۆ بهێنه زێده كرن، لهوما ئهو بههانهیان دگرن و وان نهڤێت ههلهبجه ببیته پارێزگههـ.
ناڤهاتی گۆت ژی: د وی پرۆژه یاسایی دا د خواندنا ئێكێ و دویێ دا چ ئاریشی نهبوون، بهلێ نوكه یێ دبنه رێگر ل ههمبهر پهسهندكرنا وی بابهتی” بهلێ ئهم ب هیڤینه ئهو پرۆژه یاسایه بهێته پهسهند كرن.
