ل گۆرەی فەرمانەکا وەزاری کو ئیمزا وەزیرا کار و کاروبارێن جڤاکی یا حکومەتا هەرێما کوردستانێ لسەرە، زێدەتری 70 وەلاتییان دێ ل پەیمانگەهێن شیاندانا خودان پێدڤییێن تایبەت و سەنتەرێن تووشبوویێن ئۆتیزمێ دەستبکاربن.
سهرۆكێ حكومهتا ههرێمیا كوردستانێ رهزامهندی لسهر دامهزراندنا 74 كارمهندان ل ڕێڤەبەرییێن گشتی یێن چاڤدێری و گەشەپێدانا جڤاکی یێن (ههولێر، دهۆك، سلێمانی و ئیدارا سهربهخۆ یا گهرمیان و قهزا كۆیه) دایە، کو وهك وانهبێژ هاتینە دامەزراندن و پێشتر ژی کوێستان محەممەد، وەزیرا کار و کاروبارێن جڤاکی یا حکومەتا هەرێما کوردستانێ داخوازا دامەزراندنێ بۆ کربوو.
د هەمان دەم دا ڕێڤەبەرییا گشتی یا دیوانا وەزارەتا کار و کاروبارێن جڤاکی داخواز ژ ئەوان کەسان دکەت کو ناڤێن وان ل سنوورێ ڕێڤەبەریا کارێ ڕێڤەبەرییا گشتی یا چاڤدێری و گەشەپێدانا جڤاکییا سلێمانییێ ڤەگەریاین، ڕۆژا ئێکشەمبی 15 چریا ئێکێ 2023، سەرەدانا ڕێڤەبەریا گشتی پشکا یاسایی بکەن ب مەرەما بڕێڤەبرنا مامەلەیێن خۆ و دەستبکاربوونێ، بۆ ئەوێ مەرەمێ ژی پێدڤیە کارتا نیشتیمانی دگەل خۆ دا ببەن.
