لدووڤ داتایێن ئۆفیسا دەستپێشخەری و پەیوەندییان ل جڤاتا وەزیرێن هەرێما کوردستانێ، پشکا گازا سپی یا هەرێما كوردستانێ 50 ملیۆن لترە، ژ لایێ مەسرور بارزانی پارە هاتییە دابینكرن داكو ب سەر هەمی مالان بهێتە دابەشكرن.
هەر لدووڤ ئەوێ داتایێ، سالا بووری ژ 150 ملیۆن لترێن گازا سپی، ب تنێ 28 ملیۆن لتر داینە هەرێما کوردستانێ.
هەتا نوكە 11 ملیۆن و 969 هزار لترێن گازێ ب سەر 59 هزار و 845 خێزانان هاتییە دابەشكرن، ب ئەڤی شێوەیی؛
– ل پارێزگەها هەولێرێ و ئیدارەیا سۆران، 4 ملیۆن و 238 هزار لتر ب سەر 21 هزار و 190 خێزاناندا هاتییە دابەشكرن.
– ل پارێزگەها سلێمانی و هەلەبجە و ئیدارەیا سەربەخۆیا گەرمیان، 3 ملیۆن و 262 هزار لتر بسەر 16 هزار و 310 خێزاناندا هاتییە دابەشكرن.
– ل پارێزگەها دهۆکێ و ئیدارەیا سەربەخۆیا زاخۆ، 4 ملیۆن و 469 هزار لتر ب سەر 22 هزار و 345 خێزاناندا هاتییە دابەشكرن.
