سه‌رۆكێ حكومه‌تێ پێشوازی ل بالیۆزێ به‌لجیكا ل عیراقێ و ئوردنێ كر

مه‌سرور بارزانی سه‌رۆكێ حكومه‌تا هه‌رێما كوردستانێ، پێشوازی ل سێرج دیکشن بالیۆزێ نوو یێ به‌لجیكا ل عیراقێ و ئوردنێ كر.

د دیدارێ دا سه‌رۆكێ حكومه‌تێ پیروزباهییا ده‌ستبكاربوونێ ل بالیۆزی كر و هیڤییا سه‌ركه‌فتنێ بۆ خواست.

هه‌ر دكۆمبوونا واندا دووماهی پێشهاتێن عیراقێ و ده‌ڤه‌رێ و گرنگییا چاره‌سه‌ركرنا ئاریشێن هه‌رێما كوردستانێ و حكومه‌تا فیدرال ل سه‌ر بنه‌مایێ ده‌ستووری و پێشخستنا په‌یوه‌ندیێن به‌لجیكا و هه‌رێما كوردستانێ ب تایبه‌تى دبوارێ ئالوگورا بازرگانیدا هاتنه‌ گوتوبێژكرن.

ته‌وه‌ره‌كێ دییێ دانوستاندنان یێ تایبه‌ت بوو ب جهئینانا رێككه‌ڤتنا شنگالێ و ئاساییكرنا ره‌وشا ده‌ڤه‌رێ و ڤه‌گه‌ریانا ئاواران بۆ جهێن وان.