بەرپرسێ لقا 8 یا پارتییا دیموکراتا کوردستانێ راگەھاند، پارتی پتریا بەرھەڤیێن کۆنگرەی ب داوی ئیناینە و بریارە د 6 مەھێن بھێن دا کۆنگرێ 14 بھێتە بەستن.
عەلی عەونی راگەھاند، پارتی پتریا بەرھەڤیێن کونگرەی ب داوی ئیناینە و د ناڤا کۆنگرەی دا ھەر چ کێشە و تێبینیێن ھەین دێ ھێنە چارەکرن و بریارە ل د شەش مەھێن بھێن دا کۆنگرە ل پارێزگەھا دھۆکێ بھێتە بەستن.
عەلی عەونی، بەرپرسێ لقا ھەشت یا پارتی ل زاخۆ ل دۆر ھەبوونا گەریلایێن پارتییا کارکەرین کوردستانێ پەکەکێ ل ناڤا ھەریما کوردستانێ راگەھاند، ھەبوونا پەکەکێ ل دەڤەرێ ترسەکا مەزنە، ژبەرکو پەکەکە ھێزەکا کویلەیا وەلاتێ تورکیا یە و خەباتا وێ ئەگەر ل باشوورێ کوردستانێ ھەبیت ژی، بەھانەیەکا دیار و زیق دکەتە د دەستێن لەشکرێ تورکیا دا.
عەونی ئاشکرا ژی کر، پەکەکە ھەبوونا دەولەتا کوردی ب شەرم دبینیت و دبێژیتە جیھانێ ئەو خەباتێ بوو دۆزا کوردی دکەن، ئەو ژی پرسیار دکەن چەوا پارتیەک بۆ دۆزا گەلێ خوە خەباتێ بکەت و دەولەتبوونا وێ ب شەرم ببینیت، ئھا خەباتکرنا پەکەکێ ئەڤەیە کو ھەڤدژە ل گەل دروشمێن وێ.
ل دوماھیێ عەلی عەونی دبێژیت: پەکەکە کراس سۆرێن لەشکرێ تورکیانە و ئەو ئەگەرێن ھەموو زەرەر و زیانێ یە یا ل ھەرێما کوردستانێ ژلایێ وەلاتێ تورکیا ڤە ھاتیەکرن و یا بەردەوام.
خانى نیوز، دهۆك
