دووماهییا ڤێ هه‌یڤێ شانده‌كێ حكومەتا هەرێما كوردستانێ دێ سەره‌دانا بەغدا كه‌ت

كەمال محەمەد سالح، وەزیرێ سامانێن سرووشتی ل حكومەتا هەرێما كوردستانێ (ب وەكالەت) ل ده‌مێ پشكداریكرنێ ل كۆڕبەندێ مێپس دا گۆت: بزاڤێن مه‌ ل گه‌ل لایەنێن پەیوەندیدار د بەردەوامن بۆ دووبارە هنارتنا نەفتا كوردستانێ.

هەروەسا گۆت ژی: توركیا و عێراقێ ئامادەییا خۆ بۆ هنارتنا نەفتا كوردستانێ دەربڕییە، تاكە كێشە ل هه‌مبه‌ری دەستپێكرنا وی بابه‌تی، تێچوویێ دەر‌هێنانێ و بەرهەمئینانا نەفتێییە  و كار بۆ چارەسەركرنا وی بابه‌تی ژی دهێته‌ كرن.

وەزیرێ سامانێن سرووشتی گۆت ژی: دووماهییا ڤێ هه‌یڤێ دێ شانده‌كێ حكومەتا هەرێما كوردستانێ بۆ دانوستاندنێ ل سه‌ر بابه‌تی هنارتنا نەفتێ ل گەل بەرپرسێن عێراقێ، سەره‌دانا بەغدا كه‌ت.