وه‌زیرا كۆچ و كۆچبه‌رێن ئیراقێ راگه‌هاند؛ 68 هزار مالباتێن ئاواره ڤه‌گه‌ریاینه سه‌ر ده‌ڤه‌رێن خوه.
ئیڤان فایق، وه‌زیرا كۆچ و كۆچبه‌رێن ئیراقێ راگه‌هاند؛ 68 هزار مالباتێن ئاواره د 6 مه‌هێن بوورى دا ڤه‌گه‌ریاینه ده‌ڤه‌رێن خوه و د ده‌مه‌كێ نێزیك دا هه‌موو ئاواره دێ ڤه‌گه‌رنه جهێن خوه و هه‌موو كه‌مپ دێ هێن داخستن.
ئیڤان فایق دیار ژى كر، ل سه‌ر فه‌رمانا مسته‌فا كازمى، سه‌رۆكوه‌زیرێن ئیراقێ هه‌موو ئاسانكارى ژ بۆ ڤه‌گه‌ریانا ئاواره‌یان بۆ ده‌ڤه‌رێن وان هاتینه‌كرن.
وه‌زیرا كۆچ و كۆچبه‌ران گۆت ژی: به‌رهه‌ڤیێن ڤه‌گه‌راندنا ئاواره‌یان د چارچووڤێ وان رێكاران دایه یێن بۆ هه‌لبژارتنێن پێشوه‌خت دهێنه‌كرن كو بریاره ئه‌ڤ ساله ل رۆژا شه‌شى مه‌ها خزیرانێ بهێن كرن.
ل سالا 2014ێ، نێزیكى 5 ملیۆن كه‌سان ژ پارێزگه‌هێن نه‌ینه‌وا، بابل، سه‌لاحه‌دین و ئه‌نبار و هنده‌ك ده‌ڤه‌رێن دى یێن ئیراقێ ئاواره‌بوون و پتریا وان ژى به‌ر ب هه‌رێما كوردستانێ ڤه هاتن.
