په‌یڤدارێ حكومه‌تا هه‌رێما كوردستانێ ئاشكراكر، ئه‌و 618 ملیار دینارێن كو حكومه‌تا فیدرالى بریارا هنارتنا وان داى، سولفه‌یه و قه‌ر نینه و دیاركر، ئه‌و چاڤه‌رێى هنارتنا پاره‌ینه، كارێ ل پێشییا حكومه‌تێ ژى به‌لاڤكرنا مووچه‌ییه.
پێشه‌وا هه‌ورامانى په‌یڤدارێ فه‌رمییێ حكومه‌تا هه‌رێما كوردستانێ ڕاگه‌هاند، جڤاتا وه‌زیرێن عیراقێ بریار دا 618 ملیار دیناران بۆ مووچه‌خۆرێن هه‌رێما كوردستانێ ب هنێریت، ئه‌و پاره سولفه‌یه و قه‌ر نینه.
ئاماژه ب هندێ ژى دا، هه‌تا قانوونا بودجه‌یا 2024ێ دهێته هه‌مواركرن، ئه‌و پاره‌یه دێ هێته هنارتن، 300 ملیار دینار ژى دێ كورتئینان بن بۆ مووچه‌ى.
ئاشكرا ژى كر، د دووماهى سه‌ره‌دانا خوه‌دا شاندێ حكومه‌تا هه‌رێما كوردستانێ بۆ مووچه‌ى د هه‌موارا بودجه‌یدا داخوازا 875 ملیار دیناران كربوو، ڕێككه‌ڤتن هاته كرن كو مووچه ژ هه‌موو بابه‌تێن دى بهێته جۆداكرن، له‌وما ئه‌و هه‌مواره ب تنێ دێ چاره‌سه‌رییا ئاریشه‌یا مووچه‌ى كه‌ت.
