ئەڤرۆ دوشەمبی، 15-01-2024 ێ، مەسرور بارزانی، سەرۆکێ حکومەتا هەرێما کوردستانێ ب سەرۆکاتییا شانده‌كێ بۆ پشكداریکرنێ د کۆڕبەندێ ئابوورییێ جیهانی ل داڤۆس؛ بەرەف سویسرا برێکەفت.
مەسرور بارزانی د کۆڕبەندێ ئابوورییێ جیهانی ل داڤۆس، دێ ل گەل هژمارەكا سەرۆک و سەرۆک وەزیران و بەرپرسێن بلند یێن وه‌لاتێن رۆژهەلاتا ناڤین و ئورۆپا و جیهانێ كۆمبیت و د وان دیداران دا، دێ چەندین تەوەر و پرسێن ناڤخۆیی و هەرێمی و جیهانی هێنه به‌حس كرن، ژ وان ژی پێشخستنا پەیوەندییێن دولایەنی ب تایبەتی د بیاڤێن ئابووری و وەبەرهێنانێ دا.
بڕیارە سەرۆکوەزیرێن هەرێما کوردستانێ د پانێله‌كێ وێ کۆڕبەندێ دا پشكدار بیت، کو یێ تایبەتە ب ململانێ و ناکۆکییێن رۆژهەلاتا ناڤین.
شاندێ هەرێما كوردستانێ ژ هژمارەكا بەرپرسێن حکومی و وەبەرهێنەر و خودانکارێن کوردستانێ پێکهاتینه كو جارا ئێكێیە پشكدارییێ د داڤۆس دا دکەن” هەروەسا ب دەستپێشخەری و راسپاردا سەرۆکوەزیران، مالا کوردستان ل داڤۆس دێ هێته ڤه‌کرن.
