ئەڤرۆ فڕاکسیۆنا پارتی دیمۆکراتی کوردستان ل پەڕلەمانێ عیراقێ د ڕاگەهاندنەكێدا ب تۆندی ئیدانەیا هێرشا مووشەكی یا شەڤا بووری یا سەر باژێڕێ هەولێرێ كر و داخواز ژ پەڕلەمانێ عیراقێ كر ڕوینشتنەكا بلەز بۆ گوتوبێژكرنا وێ هێرشێ ئەنجامبدەت.
فڕاکسیۆنا پارتی ل پەڕلەمانێ عیراقێ داخواز ژ حكومەتا فیدڕالی دكەت ڕۆلێ خۆ بگێڕیت بۆ ئیدانەكرن و پاراستنا ئاسایش و ئێمناهییا عیراقێ، گرتنەبەرا ڕێگەچارەیێن یاسایی و دبلۆماسی بۆ بەرسڤدانا ڤان دوژمنكارییان. داخواز ژی دكەت ڕێكارێن پێدڤی بهێنەگرتن بۆ پاراستنا ئاسمانێ عیراقێ ژ مووشەك و فڕۆكەیێن بێ فڕۆكەڤان ب ڕێیا دانانا سیستەمێ دژەمووشەكان.
هەروەسا داخواز ژ سەرجەم لایەنێن سیاسییێن عیراقێ دكەت هەڤهەلویست بن د ئیدانەكرنا وان هێرشێن بەردەوام یێن ل سەر هەولێرێ دهێنەكرن و سەروەرییا عیراقێ پێشێلدكەن.
فڕاكسیۆنا پارتی داخواز ژ كۆمەلگەها ناڤدەولەتی دكەت هەلویستەكێ جددی هەبیت بۆ ڕوویبڕوویبوونا هێرشێن ئیرانێ بۆ سەر عیراقێ و دەڤەرێ و بێدەنگ نەمینن.
