ل ده‌ستپێكا هه‌یڤا بهێت شانده‌كێ ھەرێما كوردستانێ دێ سەره‌دانا فرەنسا كه‌ت

 ئاژانسا خانی:

خالد رێکانی، ئه‌ندامێ پەرلەمانێ عێراقێ ژ فراكسیۆنا پارتی دیموكراتی كوردستان دیار كر: بڕیارە ل ده‌ستپێكا هه‌یڤا شواتێ شانده‌كێ ھەرێما کوردستانێ سەره‌دانا وه‌لاتێ فرەنسا بکه‌ت و د وێ سه‌ه‌ردانێ دا دێ سه‌رۆكێن باژێرڤانیێن تۆلۆز و پاریس و چه‌ندین ئه‌ندامێن په‌رله‌مانێ وه‌لاتێ فره‌نسا بینین” ئه‌و سه‌ره‌دانه‌ ب هه‌ڤكارییا رێكخراوه‌كا كوردی بوویه‌ ل فره‌نسا و نوونه‌راتییا حكومه‌تا هه‌رێما كوردستانی ل فره‌نسا، ئه‌و شاندە ژ چەندین کەساتێێن ھەرێما کوردستانێ پێکھاتییە، ئه‌ز ژی ئەندامێ شاندێ ھەرێما کوردستانێ مه‌” هه‌روه‌سا چوونا شاندێ ھەرێما کوردستانێ دێ کاریگەری ل سەر ب جینۆساید ناساندنا کەیسێ کوردێن ئێزدی ژ لایێ فرەنسا و وه‌لاتێن  ئورۆپا ڤه‌ هه‌بیت، چونکی د وی سه‌ره‌دانێ دا دێ چەندین کۆمبوون و دیدار و چالاکیێن گرنگ ل گەل لایەنێن په‌یوه‌ندیدار یێن فرەنسا هێنه‌ ئەنجام دان.

ناڤهاتی” زێده‌تر بۆ ئاژانسا خانی دیار كر: وی شاندی پڕۆژەك به‌رهه‌ڤکرییە بۆ هندێ داكو ئەو کارەساتا ب سەرێ کوردێن ئێزدیدا ھاتی ژ لایێ وه‌لاتێ فرەنسا و پەرلەمانێ وه‌لاتێن ئورۆپا ڤه‌ ب جینۆساید بهێته‌ نیاسین، د وی پرۆژه‌یی دا مه‌ رۆناهی خستییه‌ سه‌ر هه‌موو وان ئیش و ئازار و کارەساتێن ل سەر دەمێ شەرێ تیرۆرستێن داعشێ ب سەرێ کوردێن ئێزدیدا ھاتین” دیسان مه‌ لبه‌ره‌ سه‌ره‌دانا وه‌لاتێن ئه‌لمانیا و هۆله‌ندا و به‌لجیكا و چه‌ندین ه‌لاتێن دیتر یێن ئورۆپا بكه‌ین.