سهرۆكێ حكومهتا ههرێما كوردستانێ پهیامهك بهلاڤكر و تێدا ئاماژه ب هندێ دا، ئهو هێرش و دهستدرێژییێن ههمهجۆرانه یێن ل سهر ههرێما كوردستانێ دهێنهكرن، بزاڤێن دوژمن و نهیار و خائینانه بۆ نههێلانا قهوارهیێ ههرێمێ، ئهو وهسا دبینن، ب ڤان هێرش و فشارێن بهردهوام ههرێما كورستانێ دێ شكهستنێ ئینیت.
مهسرور بارزانى سهرۆكێ حكومهتا ههرێما كوردستانێ د پهیاما خوهدا دیاركر، ئیرادهیا خهلكێ تێكۆشهر و نیشتیمانپهروهر و حكومهتا ههرێما كوردستانێ ژ هندێ ب هێزتره كو ب پیلان و ستهمكارییێ بشكێت، بهلكو مۆرالا وان بهێزتر دكهڤیت، دئهنجامدا ب تنێ شكهستن و ڕوو ڕهشى دێ بۆ دوژمن و خائینان مینیت.
ههروهسا ڕاگههاند، سوپاسییا ههڤخهمى و ههلویستێ وهلاتێن دوست دكهن، كو بهردهوام ئهوان هێرشان شهرمزار دكهن، لێ ب داخویانى و شهرمزاركرنان دووماهى ب ڤان پیلان و هێرشێن نهڕهوا ناهێت و ڕیگرى ل دووبارهبوونا وان ناهێتهكرن.
سهرۆكێ حكومهتا ههرێمێ دپشكهكا دییا پهیاما خوهدا دیاركر، ئهو داخوازێ ژ وهلاتێن جیران دكهن، ڕێكارێن جددى بگرنهبهر و هاریكارییا مهیدانى بكهن، بۆ هندێ ئاسایشا خهلكى و ئاسایشا ئابوورى و سهقامگێرییا سیاسى ل ههرێما كوردستانێ یا پاراستى بیت.
سهرۆكوهزیران د پهیاما خوهدا داخواز ژ خهلكێ كوردستانێ كر، ب خۆراگرى و مۆرالهكا بلند، ڕووبڕوو ئهوان پیلانان ببن و ههستێ وان یێ نیشتیمانپهروهرى ههر یێ بهێزبیت و ڕێ ب خۆفرۆش و ئاخفرۆش و نهحهزان نهدهن، كوردستان و خهبات و دهستكهڤتێن وێ بكهنه قوربانێ ترسنۆك و تهماع و بێوژدانییێن خوه.
