وه‌زاره‌تا سامانێن سرووشتى: به‌رهه‌مئینانا گازێ بۆ وێستگه‌هێن كاره‌بێ دێ ده‌ستپێكه‌ت

وه‌زاره‌تا سامانێن سرووشتى ڕاگه‌هاند، ل ڤان نێزیكان به‌رهه‌مئینانا گازێ بۆ وێستگه‌هێن كاره‌بێ دێ ده‌ستپێكه‌ت.

وه‌زاره‌تا سامانێن سرووشتییا حكومه‌تا هه‌رێما كوردستانێ دیاركر، هێرشا شه‌ڤا بوورى یا سه‌ر كێلگه‌ها گازا كۆرمۆر چ زیانێن گیانى نه‌بوون و ب تنێ زیانێن ماددى هه‌بوون، دگه‌ل ئاساییبوونا ڕه‌وشێ، به‌رهه‌مئینانا گازێ دێ ده‌ستپێكه‌ت.

ئاشكرا ژى كر، تیمێن وه‌زاره‌تێ و كۆمپانییا دانه‌گاز ل كێلگه‌ها كۆرمۆر مژوولى چاره‌سه‌ركرنا ده‌ستپێكرنا به‌رهه‌مئینانا گازێنه‌، پشتى ل شه‌ڤا بوورى ژ ئه‌گه‌رێ هێرشا درۆنى ل سه‌ر كێلگه‌هێ ئاگر به‌ربوویێ.