وەزیرێ بازرگانی و پیشەسازی: مه‌ دڤێت ژێرخانا ئابوورییا کوردستانێ بهێزتر لێ بکەین

وەزیرێ بازرگانی و پیشەسازی دیار كر، مه‌ دڤێت ژێرخانا ئابوورییا هەرێما کوردستانێ بهێزتر لێ بکەین، ل گەل حکومەتا عێراقێ د گوتۆبیژان داینه‌ بۆ هندێ سندووقا پشته‌ڤانییا هناردەکرنێ بۆ بەرهەمێن ناڤخۆیی یێن هەرێمێ دابین بکەن.

کەمال موسلم، د په‌نه‌لێ سێیێ یێ کۆنفرانسێ نوونەرایەتییێن حکومەتێ راگەهند، قەبارێ هاوردەکرنا كه‌لوپه‌لان بۆ ناڤا هەرێما کوردستانێ هه‌مبه‌ر ب هناردەکرنا که‌لوپه‌لان بۆ دەرڤه‌یی هەرێمێ گه‌له‌ك زێده‌ترە، نوكه‌ کار بۆ هندێ دکەین هه‌ڤسەنگییەک دناڤبه‌را رێژا هاوردەکرن و هنارده‌کرنێ دروست بکەین”.

ناڤهاتی گۆت ژی، “وەزارەتا ڤه‌گوهاستنێ یا حکومەتا هەرێما کوردستانێ ل گەل حکومەتا عێراقێ ل سەر هێلێیە، بۆ هندێ هەرێما کوردستانێ زۆرترین مفایێ ژ رێیا گەشەپێدانێ وەربگریت کو بڕیارە ل بەندەرێ فاو ل بەسرە بەرەف سنوورێ تورکیا بهێته‌ دروستكرن”.