پێشه‌وا هه‌ورامانی، په‌یڤدارێ حكومه‌ت هه‌رێما كوردستانێ په‌یامه‌ك به‌لاڤكر و تێدا هاتییه، شیره‌تکاره‌كێ سوودانی پەیامه‌ك ئاراستەیی هەرێما کوردستانێ کرییه و دبێژیت” هوون ده‌ستان ژ دبلۆماسییەتێ به‌رده‌ن و مژوولی مووچەیی بن” پرسیار ئەوە، زێده‌باری هندێ ب نه‌دەستووری دەست ئێخستییه حه‌فكا حەفت ملیۆن کەسان و دهێنه برسی کرن و پێنجی و پێنج مادێن دەستووری بەرامبەر خه‌لکێ هەرێما کوردستانێ هاتینه پێشێل کرن، بەلێ ئەڤ بەڕێزە دلێ وی ل وی ئالییه” كو نابیت هەرێما كوردستانێ بزاڤا دبلۆماسی هەبیت.
ناڤهاتی گۆت ژی، پێدڤییە وه‌لاتی ل سەرانسەری عێراقێ بزانن کو ئەوێن شایستەیێن دارایی یێن هەرێمێ و مووچەخۆران ڕاگرتین، کەسێن وه‌كو وی شیره‌تکارینه كو هه‌تا سەر هه‌ستی ب وێ عەقلییەتا شۆفینی پێداگیرییێ ل سەر برسیکرنا وه‌لاتییێن هەرێما کوردستانێ دکەن.
پێشه‌وا هه‌وارمانی، گۆت ژی، ئه‌م پشتراستین” كو كه‌سێن وه‌كو هه‌وه و خودان ئەڤ هزر و بیرە ئاسته‌نگن ل هه‌مبه‌ر نێزیکبوونا هەرێما کوردستانێ و حکومەتا فیدرالی، هەروەسا شیره‌تکارێن وه‌كو هه‌وه دڤێن ئاسته‌نگان بێخنە هه‌مبه‌ر پێنگاڤێن سەرۆکوەزیران سوودانی بۆ چارەسەرکرنا کێشان ل گەل هەرێما كوردستانێ.
