دەستەیا پاراستن و چاككرنا ژینگەهێ ل دویڤ ڕێنماییێن ژمارە 2 یا سالا 2023ـێ سزادانا بانزینخانەیان ل دەمێ هەبوونا سەرپێچییێن ژینگەهێ ب ئەڤی شێوەیێ خوارێ بەلاڤكرن.
سزایێن نوی بۆ خودان بانزینخانان؛
– هەر بانزینخانەکا مولەتا ژینگەهێ نەبیت دێ ب کوژمێ دوو هەتا چار ملیۆن دیناران هێتە سزادان.
– هەر بانزینخانەکا مووالیدەیێ وان دویکێلێ بکەت، دێ ب کوژمێ ئێك ملیۆن هەتا سێ ملیۆن دیناران هێتە سزادان.
– هەر بانزینخانەکا مووالیدەیێ کارەبێ هەبیت و دەنگی بکەت، دێ ب کوژمێ ئێك ملیۆن بۆ سێ ملیۆن دیناران هێتە سزادان.
– هەر بانزینخانەکا ماددێن شل یێن وەك گاز، نەفت، پانزین و ڕوهن ل ئەردێ بانزینخانەیێ هەبیت دێ ب کوژمێ ئێك ملیۆن دیناران هێتە سزادان.
– هەر بانزینخانەکا جهێ شوشتنا ترۆمبێلا هەبیت و یەکەیا چارەسەریا ئاڤێ نەبیت دێ ب کوژمێ سێ ملیۆن دیناران هێتە سزادان.
– هەر بانزینخانەکا کەسکاتی وەك، پارك و باخچە و داروبار نەبیت، دێ ب کوژمێ ئێك هەتا سێ ملیۆن دیناران هێتە سزادان.
– هەر بانزینخانەکا جهێ مووالیدەیێ وان یێ پاقژ نەبیت دێ ب کوژمێ ئێك ملیۆن دیناران هێتە سزادان.
