لژنەک بۆ رێکخستنا ئینانا کرێکارێن بیانی هاته‌ پێکئینان

په‌یڤدارێ وەزارەتا کار و کاروبارێن جڤاكی راگەهاند، ب مه‌ره‌ما رێکخستنا ئینانا کرێکارێن بیانی لژنەكا بلند ب سەرپەرشتییا قوباد تالەبانی، جێگرێ سەرۆکێ حکومەتا هەرێما کوردستانێ هاتییه‌ پێكئینان و ژ ئه‌ڤرۆ وێڤه‌ هەموو رێنمایێن هاتن و کارکرنا کرێکارێن بیانی ب رێیا ئەوێ لژنێ بیت.

وەزارەتا کار و کاروبارین جڤاكی راگەهاند، ب پشتبه‌ستن ب‌ بریارا جڤاتا وه‌زیران یا ژماره‌ (63) له‌ (17/7/2020) قوباد تاله‌بانی، جێگرێ سه‌رۆكوه‌زیران، وەک سەرپەرشتیارێ لژنا بلند” ره‌شنڤیسێ رێنمایێن كاركرنا كرێكارێن بیانی ل هه‌رێما كوردستانێ د كۆمبوونا ژماره‌ (125) یا جڤاتا وه‌زیران ل‌ (31/1/2024) به‌رچارڤكر، پاشی ژ ‌لایێ جڤاتا وه‌زیرانڤه هاته‌‌ په‌سه‌ندكرن و ل وه‌قائعی كوردستان دی هێته‌ به‌لاڤكرن.

 هه‌روه‌سا گۆتییه‌، ده‌ركرنا رێنماییه‌كا ب ڤی ره‌نگی ب مه‌ره‌ما رێكخستنا یاسایێ مامه‌له‌كرن و شێوازێ هاتنا كرێكارێن بیانییه‌ ل‌ هه‌رێما كوردستانێ، كو مۆڵه‌تپێدانا كاركرنا وان ب تنێ دێ ی رێیا وه‌زاره‌تا كار و كاروبارێن جڤاكی بیت و هه‌موو ئه‌و رێنمایێن پێشتر هه‌بوون كار پێناهێته‌ كرن.