خانی نیوز، سالار محهمهد دۆسكی:
ئهندامهكێ پهرلهمانێ عیراقێ ئاشكراكر كو دبرگا (7) دا ژ قانوونا ل پهرلهمانێ عیراقێ هاتیه پهسهندكرن ل سهر وهرگرتنا قهرزان، ژڤانه ههر دو تیمێن دانوستانكارێن بهغدا و ههرێمێ ل سهر وێ برگێ كاربكهن بۆ دیتنا چارهیهكێ.
هندرین لهزگین دۆسكی، ئهندامێ فراكسیۆنا پارتیا دیموكراتیا كوردستانێ ل پهرلهمانێ عیراقێ بۆ دهۆكنیوز گۆت: دگهشبینین ب كومبوونا تیما كوردی ل بهغدا ل گهل سهرۆكاتیێن ههرێمێ، قانوونا ژ پهرلهمانێ عیراقێ دهركهفتیژی گهلهك تهفسیرات تێدا ههنه و بۆچوون ههنه، پهیوهندیێن ههرێمێ و بهغدا ب ئێكجاری نههاتینهبرین و دانوستاندن دێ ههبن و برگا (7) ژ قانوونا هاتیه پهسهندكرن بهحسێ ههرێما كوردستانێ دكهت و تیمێن ههر دو ئالیان دێ ل سهر كاركهن بۆ دیتنا چارهكێ.
هندرین دۆسكی گۆت ژى: وهلاتێن زلهێز و UN زێدهتر تهماشكهرن و دبێژن ئهڤه بابهتهكێ ناڤخوهیی و عیراقییه و رهنگه بۆچوونا خوه ههبیت و مایتێكرنێ ناكهن، لێ ئێكگرتنا عیراقێ بۆ ئهمریكا و بریتانیایا گرنگه و رهنگه دهمێنبهێن مایتێكرنا خوه بكهن بهلێ نه راستهوخۆ.
ل گۆرهى گۆتنا هندرین دۆسكى، ئهو قانوون بتنێ بۆ سێ ههیڤان هاتیهدانان و كهفتیه دبیاڤێ بجهئینانێ دا و سهرۆكێجڤاتا وهزیران ل عیراقێ داخواز ژ وهزارهتا دارایی كریه كو موووچهیێن ههیڤێن (10 و 11) بهلاڤ بكهت.
هندرین لهزگین دۆسكی، ئهندامێ فراكسیۆنا پارتی ئاشكرا كر، كورد پێكهاتهكێ سهرهكی نه و ههر دهمێ مووچه دبیته فشار ل سهر كوردستانێ كارتێكرنێ ل سهر پێكهاتێن دیێن عیراقێ دكهت، فهرمانبهرێن كوردستانێ ژی وهك فهرمانبهرێن عیراقێ رۆژانه كار دكهن و مووچێ خوه دڤێت و ههر دهما رهوشا عیراقێ تێكچیت ل كوردستانێ ژی تێكچیت و ئهڤه دێ كارتێكرنێ ل پێكهاتێ جڤاكیێ عیراقێ كهت.
ههرسێ سهرۆكاتیێن كوردستانێ ئهڤرۆ رۆژا ئێكشهمبى دێ د گهلسهرۆك فراكسیۆنێن كوردستانی ل بهغدا كۆم بن و ئارمانج ژێ وهرگرتنا بۆچوونانه ههمبهر ههلویستێ پهرلهمانێ عیراقێ ل بهغدا، دههـ ئهندامێنپهرلهمانێ عیراقێیێن كورد ناڤێن خوه بهلاڤهكرینه كو پشكدارى كومبوونێ نابن.
تیمێن بهغدا و ههرێمێ دێ ل سهر برگا 7 كاركهن
