سپێدەهییا ئەڤرۆ ڕۆژا شەمبی نێچیرڤان بارزانی، سەرۆكێ هەرێما كوردستانێ ل ئەنتالیا یا توركیا ل گەل ڕوومین ڕادیڤ، سەرۆككۆمارێ بولگاریا كۆمبوو. سەرۆكاتییا هەرێما كوردستانێ د ڕاگەهاندنەكێ دا ئاشكەراكر، د كۆمبوونا نێچیرڤان بارزانی و ڕوومین ڕادیڤ دا پەیوەندییێن بولگاریا ل گەل هەرێما كوردستانێ و عیراقێ د بوارێن ئابووری، بازرگانی، كەلتووری، وەرزشی، گەشتییاری و چاندنێ دا هاتنە گوتوبێژكرن و بەحس ل دەرفەتێن هاریكارییا زێدەتر یا دوولایەنی د بوارێن خواندنا زانكۆیێ و خواندنا بلند و گەشتا ڕاستەوخۆ یا عەسمانی دناڤبەرا بولگاریا و عیراقێ ب هەرێما كوردستانێ ژی ڤە، هاتەكرن. پرسا زێدەكرنا نوینەراتییا بولگاریا ل هەرێما كوردستانێ، تەوەرەكێ دی یێ كۆمبوونێ بوون.
