ئاژانسا خانی:
ئەندامه‌كێ لژنا نەفت و غازێ ل پەرلەمانێ عێراقێ دیار كر: ئەمریکا بۆ ھنارتنا نەفتا ھەرێما کوردستانێ ھاتییه سەر خەت و ئەو بابه‌ته بوویه بابه‌ته‌كێ نێڤدەولەتی، له‌وما دڤێت ده‌ست ب هنارتنا نه‌فتا هه‌رێمێ بهێته كرن، نوكه دەستپێکرنا نەفتا ھەرێما کوردستانێ بۆ دەرڤە ب تنێ مایه ل سه‌ر ده‌می و دێ دەستپێكه‌ته‌ڤه” د هه‌مان ده‌مدا ئەمریکا سۆزدایه سەرۆکێ حکومەتا ھەرێما کوردستانێ دەست ب هنارتنا نه‌فتا هه‌رێمێ بكه‌ته‌ڤه.
د. سەباح سوبحی، زێده‌تر گۆت: سەرۆکێ حکومەتا ھەرێما کوردستانێ ل ئەمریکا به‌حسێ ئاریشێن ھنارتنا نەفتا ھەرێما کوردستانێ بۆ دەرڤە کرییە و ئەمریکا پشته‌ڤانییا خۆ بۆ دووبارە ھنارتنا نەفتا ھەرێما کوردستانێ ته‌كه‌زكرییه” چونکی ئەڤه بابه‌ته‌كێ گرنگە و پێدڤییە ھنارتنا نەفتا ھەرێمێ بۆ دەرڤه دەستپێبکه‌ته‌ڤه، هه‌روه‌سا ئەمریکا سۆزدایه سەرۆکێ حکومەتا هه‌رێمێ” كو ئه‌و دێ ل گه‌ل حکومەتا عێراقێ ل سه‌ر ڤی بابه‌تی ئاخڤن و ئەو رێکارێن ماین بهێنه تەمام کرن.
ناڤهاتی گۆت ژی: نوكه چ رێگری ل هه‌مبه‌ر ھنارتنا نەفتا ھەرێما کوردستانێ بۆ دەرڤە نەماینە، نوكه ئه‌و بابه‌ته بوویه بابه‌ته‌كێ نێڤدەولەتی، دیسان بابه‌تێ وزێ بوویە ژێده‌ره‌ك ل سەر ئاستێ جیھانێ، ھەرێما کوردستانێ ژی پشكه‌كه ژ دابینکرنا وزێ بۆ جیھانێ.
