ئه‌ڤرۆ ڕۆژا چارشه‌مبى ل سه‌لاحه‌ددین، سه‌رۆك مه‌سعود بارزانى پێشوازى ل ڤیكتۆریا تەیلەر، جێگرا هاریكارێ وه‌زیرێ ده‌رڤه یێ ئه‌مریكا كر.
د دیدارێدا، باس ل سەرەدانا سەرۆكێ حكومەتا هەرێما كوردستانێ بۆ واشینگتۆن كر و ب سەرەدانەكا جددی و سەركەفتی وەسفكر،هەروەسا ڕەوشا سیاسییا عیراقێ و پەیوەندییێن دناڤبەرا حكومەتا هەرێمێ و عیراقێ و ئاریشەیێن بەردەم پەیوەندییێن وان گۆتۆبێژكرن و دووپات ل پێدڤییا پاراستنا سەقامگێریا عیراق و ڕۆلێ هێزێن هەڤپەیمانان د سەقامگێریا عیراق و دەڤەرێ كر.
هەروەسا بابەتێ هەلبژارتنان ئێك ژ تەوەرێن ڕوینشتنێ بوو، سەرۆك بارزانی ژی پشتەڤانییا خۆ بۆ ئەنجامدانا هەلبژارتنان دووپات كر، هەروەسا دلگرانییا خۆ ژی ل دۆر بڕیارا دادگەها فیدڕال دیاركر و ئەو بڕیار ب بزاڤ بۆ بنكۆلیكرنا مافێن پێكهاتەیان و زیان گەهاندن ب پرۆسەیا دیموكراسی قەلەم دا.
