<h3></h3> <h3>ئاژانسا خانی:</h3> <h3></h3> <h3>رێڤەبەرێ ئۆفیسا دھۆکێ یا کۆمسیۆنا بلندا ھەلبژارتنێن عێراقێ دیاركر: لدووڤ وێ لیستا ژ بەغدا ڤه‌گەریایی ب تنێ ل سنوورێ پارێزگه‌ها دھۆکێ رێژه‌كا كه‌سێن دانعه‌مر و ئه‌وێن ئێشا شه‌كرێ و فشارا خوینێ و هنده‌ك ژ جۆتیاران کێشا پەنجەمۆرێ ھەیە، ئه‌م ڕۆژانە پەیوەندییێ ب وان دەنگدەران دەکەین بۆ هندێ سەره‌دانا بنگه‌هێن کۆمسیۆنا ھەلبژارتنان بکەن ب مه‌ره‌ما وەرگرتنا پەنجەمۆرێن وان.</h3> <h3>خالد عه‌باس، زێده‌تر بۆ ئاژانسا خانی دبێژیت: هه‌روه‌سا رێژا تۆماركرنا بایۆمه‌تری ل پارێزگه‌ها دهۆكێ" بلندترین رێژه هه‌یه ل سه‌ر ئاستێ هه‌موو عێراقێ و دیسان پتری 84% ێ یا ده‌نگده‌رێن پارێزگه‌ها دهۆكێ ناڤێن خۆ تۆمار كرینه" ل حه‌فتییا بوری 130 كارتێن ده‌نگدانێ گه‌هشتینه مه" كو یێن وان ده‌نگده‌ران بوون" ئه‌وێن ل سالا 2022 ێ و 2023 ێ بوون" بابه‌تێ په‌نجه‌مۆرێ ژی ل هه‌موو عێراقێ هه‌یه" چونكی مه ده‌نگده‌ر هه‌یه" ئێشا شه‌كرێ یا هه‌یی" یان ژی فشارا خوینێ هه‌یه" یان جۆتیاره" له‌وما په‌نجه‌مۆرا وان ناهێته وه‌رگرتن" هنده‌ك ژ وان هاتینه چاره‌سه‌ركرن.</h3> <h3>خالدی ئه‌و ژی دیار كر: سوبەهی ئێكشه‌مبی 10 ی ئادارا 2024 ێ" دووماهی رۆژه بۆ نووكرنا تۆمارا ده‌نگده‌ران و هه‌تا نوكه چ تشتێ نوو نینه بۆ درێژكرنا ده‌مێ تۆمارا ده‌نگده‌ران و ده‌مێ مه ژی یێ كێمه ژبۆ ئه‌نجامدانا هه‌لبژارتنێن په‌رله‌مانێ كوردستانێ، هه‌روه‌سا خه‌لك دشێن سوبه‌هی ژی سەره‌دانا کۆمسیۆنێ بکەن ب مه‌ره‌ما خۆ تۆمارکرنێ و بەرۆڤاژی بێی بایۆمەتری خه‌لكێ مافێ پشكدارییێ نامینیت د هەلبژارتنێن ئەڤ ساله یێن په‌رله‌مانێ ھەرێما کوردستانێ دا و ده‌مێ نووكرنا تۆمارا ده‌نگده‌ران ناهێته درێژكرن.</h3> <div class="News-Readr-Author-Time"></div>
