پتریا مرۆڤان ل هەیڤا ڕەمەزانێ و دەمێ ب ڕۆژی دبن، ئاریشا هەبوونا بێهنا نەخۆش یا دەڤی بۆ پەیدادبیت. نوژدارێن ددانان ژی ئاماژە ب ئەگەرێن سەرەكی یێن ڤێ ئاریشێ دكەن و دیاردكەن، كۆمبوونا گیرهێ ل سەر ددانان و هەودانێن پدیان ژ سەرەكیترین ئەگەرێن بێهنا نەخۆش یا دەڤی نە، ل هەیڤا ڕەمەزانێ ژی ژبەر هشكبوونا دەڤی، ئەڤ ئاریشە مەزنتر دبیت.
ڕێكێن خۆ پاراستنێ ژ بێهنا نەخۆش یا دەڤی ل هەیڤا ڕەمەزانێ:
1- پاقژكرن و شویشتنا دەڤ و ددانان ب بەردەوامی.
2- دویركەفتن ژ خوارنا شریناهییان و ڤەخوارنێن گازی.
3- خوارنا هنگڤینی، ژبەركو تایبەتمەندییا دژە بەكتریا دناڤدا هەیە.
4- دویركەفتن ژ كێشانا جگاران.
5- دویركەفتن ژ خوارنا سیر و پیڤازان و خوارنێن ترش.
6- بكارئینانا دەزی بۆ پاقژكرنا دناڤبەرا ددانان دا.
7- باش پاقژكرنا ئەزمانی.
