لژنه‌یا په‌ترۆل و سامانێن سروشتی ل جڤاتا نوونه‌رێن ئیراقێ راگه‌هاند؛ ئیراق بزاڤان دكه‌ت دوباره پشكا خوه یا دناڤا رێكخستنا ئۆپیكێ دا ڤه‌گه‌رینیت و ئابورییا خوه پێشبێخیت.
به‌هائه‌دین نوری، ئه‌ندامێ لژنه‌یێ د داخویانییه‌كێ دا راگه‌هاند؛ وه‌زاره‌تا په‌ترۆلێ بزاڤان دكه‌ت دوباره پشكا خوه د رێكخستنا ئۆپیكێ دا ڤه‌گه‌رینیت پشتی كو ره‌وشا ئابوورییا ئیراقێ داكه‌فتی، دیار ژی كر، وه‌لاتێن ئه‌ندام د ئۆپیكێ دا رۆژانه ل سه‌ر 500 هزار به‌رمیلێن په‌ترۆلێ د ڤێ مه‌هێ دا رێككه‌فتینه و ئه‌و رێژه ژی دێ ئابوریا ئیراقێ باشتركه‌ت.
به‌هائه‌دین نوری گۆت: قه‌باره‌یێ وێ په‌ترۆلا هه‌رێما كوردستانێ ب رێكا به‌نده‌را جیهان هه‌نارده دكه‌ت رۆژانه 430 هزار به‌رمیلن، هه‌روه‌سا پشتی رێككه‌فتنا دگه‌ل ئۆپیكێ و ب تایبه‌ت ل ڤێ مه‌هێ، رۆژانه قه‌باره‌یێ په‌ترۆلا ئیراقێ دهێته هه‌نارده‌كرن 9.2 ملیۆن به‌رمیلن و ب كوژمێ 2.4 ملیار دۆلارانه.
وه‌لاتێن خه‌لیجی پشكا ئیراقێ هه‌ر ژ سالا 1991 تا 2003 كربوو دبن قه‌یرانێ دا لێ ئیراق ئه‌ڤ جاره دێ ل دۆر زێده‌كرنا پشكا خوه د هه‌نارده‌كرنێ دا كاركه‌ت نه‌ك داكه‌فتنێ.
