عیراقێ دڤێت گازا كۆرمۆر ژ هه‌رێما كوردستانێ بكریت بۆ دابینكرنا سووته‌مه‌نییێ بۆ وێستگه‌هێن به‌رهه‌مئینانا كاره‌بێ، په‌یڤدارێ وه‌زاره‌تا كاره‌با عیراقێ دبێژیت: كوالیتییا گازا كۆرمۆر یا باشه و ئه‌و دڕژدن بۆ وه‌رزێ هاڤینێ گازێ بكرن.
ئه‌حمه‌د مووسا عه‌بادى په‌یڤدارێ وه‌زاره‌تا كاره‌با عیراقێ ڕاگه‌هاند، حكومه‌تا عیراقێ دڤێت مفاى ژ كێلگه‌ها كۆرمۆر وه‌ربگریت، دگه‌ل چوونا ناڤا وه‌رزێ هاڤینێ، دێ مفاى ژ وێ كێلگه‌هێ وه‌رگرن، یانژى دێ گازا وێ كێلگه‌هێ بۆ پركرنا پێدڤییێن وێستگه‌هێن به‌رهه‌مئینانا كاره‌با ده‌ڤه‌را باكوور بكارئینیت.
هه‌روه‌سا ئاشكراكر، ئاراسته‌یێ حكومه‌تێ ئه‌وه كو گازا كێلگه‌ها كۆرمۆر بكریت، ژبه‌ركو كوالیتییا وێ یا باشه، دێ پێدڤییێن وێستگه‌هێن ده‌ڤه‌را باكوور پێ دابین كه‌ت.
