كارۆخ خۆشناو: سەره‌دانا سوودانی بۆ ئەمریکا بۆ چارەسه‌رکرنا ئاریشێن دناڤبه‌را هەولێر و بەغدا دایە

ئاژانسا خانی:

سەرۆکێ په‌یمانگه‌ها ڤه‌كۆلینێن ئه‌مریكی كوردی دیار كر: چوونا سوودانی بۆ ئەمریکا، دێ ده‌رباره‌یی ئه‌وان ئاریشێن هه‌لاویستی بیت یێن دناڤبه‌را هەولێر و بەغدا دا” هه‌روه‌سا پشتی سالا 2023 ێ” ئامادەکاری بۆ ڤێ  سەره‌دانا سوودانی بۆ واشنتۆن دهێنه‌ كرن” هه‌ر چه‌نده‌ ژ ئه‌گه‌رێ هنده‌ك فاکتەران چەندین جاران ئەو سەره‌دانە هاتییه‌ پاشخستن، ئەوا کۆچكا سپی راگەهاندی كو ل 15 ی نیسانا ئه‌ڤ ساله‌ ئەو سەره‌دانە دێ هێته‌ کرن” د وێ سەره‌دانێ دا چەندین تەوەر دێ هێنه‌ به‌حس کرن، كو ئه‌و پشتراست بوون ژ وێ رێککەفتنا د چارچوڤێ ستراتیجی یا دناڤبه‌را ئەمریکا و عێراقی دا هاتییه‌ كرن، ئه‌و ئاریشێن هه‌لاویستی یێن دناڤبه‌را هەرێم و بەغدا دا، دێ تەوەره‌كێ سەرەکی یێ وێ کۆمبوونێ بیت.”

کارۆخ خۆشناو” زێده‌تر بۆ ئاژانسا خانی دبێژیت: ب ڕییا وێ یاداشتناما هەشت سیناتۆرێن ئه‌مریكی دایه‌ جۆ بایدنێ، سەرۆکێ ئەمەریکا، كو ئه‌و بایدن ب خۆ ژی کاراکتەره‌كێ شارەزایە ل عێراقێ و ڕۆژهەلاتا ناڤین و ب تایبەت د دۆزا کوردی دا، هه‌روه‌سا بەری كو سەرۆکێ ئەمریکا بیت جێگرێ ئۆبامای بوویە بۆ ده‌مێ هەشت سالان و بەرپرسێ دۆسییەیا عێراقێ بوویە پێشتر ژی بۆ ده‌مێ 36 سالان سیناتۆر بوویە” دیسان جۆ بایدن ژ سەرۆکێن ئه‌مریكا یێن به‌ری خۆ، پتر شاره‌زایی د دۆزا کوردی دا هه‌یه‌.

ناڤهاتی گۆت ژی: پشتی ده‌ربازبوونا نێزیكی دو سالان ل سەر پێکئینانا حکومەتا وی دا، ل 15 ی نیسانا 2024 ێ، محەمەد شیاع سوودانی، سەرۆکوەزیرێن عیراقێ دێ سەره‌دانا واشنتۆن كه‌ت و بریارە ل گەل جۆ بایدنی، سەرۆکێ ئەمریکا کۆم ببیت” تەوەرێ هەرە سەرەکییێ وان دانوستاندنان یێ سوودانی ل گەل بایدنی و بەرپرسێن ئەمریکا، دێ یێ گرێدایی بیت ب هێزێن هه‌ڤپەیمانان و پاشه‌رۆژا وان ل عێراقێ، هه‌روه‌سا ڕێککەفتنا چارچوڤێ ستراتیجی، پەیوەندییێن پشتی قووناغا هاوپەیمانییێ و هه‌ڤپشكییا گشتگیر یا دناڤبه‌را عێراقێ و ئەمریکا دا، دێ بابەتێ هەرە دیار یێ وان دانوستاندنان بیت” هه‌روه‌سا

دۆسیەكا دیتر یا سەر مێزا دانوستاندنێن سوودانی ل واشنتۆن، دێ به‌حسێ ئاریشێن هەولێر و بەغدا دا كه‌ت، كو پابەندبوونا عێراقێ ب دەستووری و شایستێن دارایی یێن هەرێما کوردستانێ هه‌تا دەستپێکرنا هنارتنا نەفتا هەرێما کوردستانێ” چونکی هنده‌ك ژ وان کۆمپانییێن بەرهەمئینانا نەفتێ ل هەرێما کوردستانێ ئەمریکینه‌ و داخواز ژ کۆنگرێسێ کرییە فشارێ ل سه‌ر حکومەتا عێراقێ بكه‌ت، بۆ هندێ دەست ب هنارتنا نەفتا هەرێما کوردستانێ بهێته‌ كرن.

ئه‌ڤ سەره‌دانا سوودانی د ده‌مه‌كی دایه‌، كو مەسرور بارزانی، سەرۆکوەزیرێن هەرێما کوردستانێ” ل 24 ی شواتا بوری، ب سەره‌دانه‌كا فەرمی گەهشتە ئەمریکا و ل گەل وەزیرێ دەرڤه‌ و مه‌زنه‌ بەرپرسێن وی وه‌لاتی کۆمبوویه‌ و داخوازا پشته‌ڤانییا بەردەوامی یا ئەمریکا ل مافێن دەستووری یێن هەرێما کوردستانێ کرییه‌ و ئەمریکا ژی پشته‌ڤانییا خۆ بۆ هەرێما کوردستانێ دووپا کرییە.