رۆژناما (ئەلعەرەب) به‌لاڤه كرییه” كو دوبارە به‌لاڤبوونا دەنگۆیێ هندێ كو هه‌كه ساله‌كێ بمینییه ل عێراقێ، دێ رەگەزناما عێراقی وه‌رگری، بوویه جهێ نه‌رازیبوونێ كارڤه‌دان لێ كه‌فتینه.
چاڤدێر دبێژن” ئارمانج ژ ڤێ لبه‌رچاڤگرتنا بەرژەوەندییا ئیرانێیە” داكو عێراقێ پڕ بكه‌ت ژ خه‌لكێ ئیرانێ، یان پاكستانی و ئەفغانی، كو خزمەتا ئەجێندایێن ئیرانێ بكەن.
ترسا عێراقییان ئه‌وه، كو ئه‌ڤ چه‌نده ل ژێر گه‌ف و فشارێن میلیشیاتێن سەر ب ئیرانێ ڤه‌نە، كو وان دڤێت كرێكارێن ئیرانی ئه‌وێن ل عێراقێ، یان ئەو ئەفغانی و پاكستانییێن ل حەوزا دینی ل نەجەف دخوینن، بێخنه دناڤا میلیشیاتان و خزمەتا ئەجێندایێن ئیرانی بكەن ل عێراقێ و وه‌لاتێن دیترێن ده‌ڤه‌رێ، وەكو میلیشیاتێن (زەینەبی و فاتمی)، كو ئیرانێ برینه شه‌ری ل سوورییێ.
یاسایێ 2006 ێ ژ بڕگا ئێكێ/ ج ژ مادێ 6 ێ دا هاتییە، كو ل سەر وەزیرێ ناڤخۆیە، كو رەگەزنامێ بده‌ته كەسه‌كێ نه عێراقی ”ب شێوەكێ رەوا كار ل عێراقێ كربیت، ب مەرجه‌كێ ژ 10 سالا بەردەوام و كێمتر نەبیت و داخوازا رەگەزنامێ بكه‌ت“ بەلێ هەموار كرن ئه‌وه، كو ئه‌و 10 ساله بهێنه كێمكرن بۆ ساله‌كێ.
